சமீபத்தில் அதிமுக நிர்வாகி ஆர்.பி. உதயகுமார், “தமிழக வெற்றிக் கழகத் தலைவர் விஜயின் ஆட்சியில் சினிமா உலகைச் சேர்ந்த பலருக்கு அரசுப் பதவிகள் வழங்கப்பட்டு வருகின்றன, அடுத்து நடிகை த்ரிஷாவைத் தான் துணை முதல்வராக்குவார்களோ எனத் தமிழகம் காத்திருக்கிறது” என்று கிண்டலாகப் பேசிய வீடியோ ஒன்று இணையத்தில் வைரலாகப் பரவியது.
இந்த அரசியல் விமர்சனம் பெரும் புயலைக் கிளப்பிய நிலையில், நடிகை த்ரிஷா தனது இன்ஸ்டாகிராம் பக்கத்தில், “இந்த வயதில் இப்படியெல்லாம் நாடகமாடுவது வெட்கக்கேடானது, போய் நாலு காசு சம்பாதித்து அமைதியாக வாழ் வழியைப் பாருங்கள்” (Drama at this age is embarrassing… Go make some money and find peace) என்று மறைமுகமாகப் பதிவிட்டிருந்தார். த்ரிஷா யாருடைய பெயரையும் நேரடியாகக் குறிப்பிடாவிட்டாலும், ஆர்.பி. உதயகுமாரின் பேச்சுக்கு பதிலடியாகவும், தொடர்ந்து தன்னை மையப்படுத்தி பரப்பப்படும் தேவையில்லாத அரசியல் சர்ச்சைகளுக்கு முற்றுப்புள்ளி வைக்கும் விதமாகவுமே அவர் இந்த காட்டமான ஸ்டோரியைப் பகிர்ந்துள்ளார் என்று நெட்டிசன்களாலும் அரசியல் வட்டாரங்களாலும் பரவலாகக் கருதப்படுகிறது.