உணவு வாங்குவதற்காக ரெயில் நிறுத்தப்பட்டதாக பரவி வரும் தகவல் முற்றிலும் தவறானது என்று மேற்கு ரெயில்வே நிர்வாகம் திட்டவட்டமாகத் தெரிவித்துள்ளது. மராட்டிய மாநிலம் இந்தூரில் உள்ள ரஸ்கஸ்வரா சாலை அருகே, தண்டவாளத்தில் ரெயில் நிறுத்தப்பட்டு அதன் ஓட்டுநர் கீழே இறங்கிய வீடியோ ஒன்று சமூக வலைத்தளங்களில் வேகமாகப் பரவி சர்ச்சையை ஏற்படுத்திய நிலையில், ரெயில்வே நிர்வாகம் இந்த விளக்கத்தை அளித்துள்ளது.
ரெயில் ஓட்டுநர் தனது சொந்த வேலைக்காக அல்லது உணவு வாங்குவதற்காக ரெயிலை நிறுத்தியதாகக் கூறப்படும் செய்திகளில் உண்மை இல்லை என்று அதிகாரிகள் மறுத்துள்ளனர். இது போன்ற தவறான தகவல்கள் பொதுமக்களை தேவையின்றி தவறாக வழிநடத்துகின்றன என்றும், இதுபோன்ற வதந்திகளை நம்ப வேண்டாம் என்றும் அவர்கள் கேட்டுக்கொண்டுள்ளனர்.
தொழில்நுட்பக் காரணங்கள் அல்லது சிக்னல் நடைமுறைகள் காரணமாகவே ரெயில்கள் சில நேரங்களில் அவ்வாறு நிறுத்தப்படுகின்றன என்றும், அது ஓட்டுநரின் தனிப்பட்ட காரணங்களுக்காக அல்ல என்றும் ரெயில்வே தரப்பில் தெளிவுபடுத்தப்பட்டுள்ளது. இந்த விவகாரம் தொடர்பாக முழுமையான விசாரணை நடத்தப்பட்டு, உண்மை நிலை என்ன என்பது விரைவில் அதிகாரப்பூர்வமாக அறிவிக்கப்படும் என்றும் தெரிவிக்கப்பட்டுள்ளது.