மகிழ்ச்சியாக இருந்த கல்யாண வீடு.. திடீரென வெடித்த துப்பாக்கிச் சத்தம்… யார் அந்த மர்ம நபர்?… மணமகள் இப்போது எங்கே?… வைரலாகும் வீடியோ..!!!

பீகார் மாநிலம் பக்சர் மாவட்டத்தில் உள்ள சௌசா நகர் பஞ்சாயத்தில் நடைபெற்ற ஒரு திருமண விழாவில், மணமகள் துப்பாக்கியால் சுடப்பட்ட அதிர்ச்சிகரமான சம்பவம் பெரும் பரபரப்பை ஏற்படுத்தியுள்ளது. திருமணச் சடங்குகளின் ஒரு பகுதியாக மணமேடையில் மணமகன் மற்றும் மணமகள் மாலை மாற்றிக்கொள்ளும் நிகழ்வு நடந்து கொண்டிருந்தபோது, கூட்டத்தில் இருந்த ஒரு இளைஞன் திடீரென மணமகளை நோக்கி துப்பாக்கியால் சுட்டுள்ளான்.

மேலும் ஒருதலைக் காதலின் காரணமாக இந்த கொடூரத் தாக்குதல் நடத்தப்பட்டதாகத் தெரிகிறது. ரத்த வெள்ளத்தில் சரிந்த மணமகளை உடனடியாக மீட்டு மருத்துவமனைக்குக் கொண்டு சென்றனர். துப்பாக்கிச் சூடு நடந்தவுடன் திருமண வீடே போர்க்களம் போல காட்சியளித்தது; அங்கிருந்த உறவினர்களும் விருந்தினர்களும் அலறியடித்துக்கொண்டு ஓடினர். படுகாயமடைந்த மணமகள் முதலில் பக்சர் மாவட்ட அரசு மருத்துவமனையில் அனுமதிக்கப்பட்டார்.

ஆனால் நிலைமை கவலைக்கிடமாக இருந்ததால் மேல் சிகிச்சைக்காக வாரணாசிக்கு கொண்டு செல்லப்பட்டார். துரதிர்ஷ்டவசமாக, அங்கு சிகிச்சை பலனின்றி மணமகள் உயிரிழந்தார். இச்சம்பவம் தொடர்பான வீடியோ சமூக வலைதளங்களில் வைரலாகி வரும் நிலையில், போலீசார் வழக்குப்பதிவு செய்து தப்பியோடிய குற்றவாளியைத் தீவிரமாகத் தேடி வருகின்றனர்.