” விஜய் வாங்கிய 35% வாக்குகள் பலூனா?”…. தவெகவை நடுங்க வைக்கும் தனுஷின் ரகசிய மாஸ்டர் பிளான்…. வெளியான பரபரப்பு தகவல்….!

தமிழ்நாட்டு அரசியலில் தமிழக வெற்றிக் கழகத்தின் எழுச்சிக்குப் பிறகு, தற்போது நடிகர் தனுஷின் அரசியல் பிரவேசம் குறித்த தகவல்கள் பெரும் விவாதப் பொருளாகியுள்ளன. சமீபத்தில் தனது நற்பணி மன்றத்தை ‘தனுஷ் நற்பணி இயக்கம்’ என மாற்றிய அவர், சென்னையில் 3,000-க்கும் மேற்பட்ட மகளிர் அணி நிர்வாகிகளைச் சந்தித்துப் பேசியது அரசியல் வட்டாரத்தில் தீயாய் பரவியுள்ளது. குறிப்பாக, தலித் மற்றும் பட்டியலின இளைஞர்கள் மத்தியில் அவருக்கு உள்ள செல்வாக்கும், இந்த சந்திப்பில் திரண்ட கூட்டமும் தவெக வட்டாரத்தில் ஒருவித அமைதியற்ற பதற்றத்தை ஏற்படுத்தியுள்ளது.

தவெகவின் சமீபத்திய சட்டமன்றத் தேர்தல் வெற்றியின் பின்னணி குறித்து அக்கட்சியின் உள்வட்டாரங்களில் எழுந்துள்ள விவாதங்கள் கவனிக்கத்தக்கவை. தாங்கள் பெற்ற 35 சதவீத வாக்குகள் தங்களது சொந்த பலத்தினால் மட்டுமே கிடைத்தவை அல்ல என்றும், சினிமா நடிகர் என்ற முறையில் மற்ற நடிகர்களின் ரசிகர்களும் வாக்களித்ததால்தான் அந்த எண்ணிக்கையை எட்ட முடிந்தது என்றும் தவெக நிர்வாகிகள் கருதுகின்றனர். தனுஷ் போன்ற மற்றொரு பிரபல நடிகர் தீவிர அரசியலுக்கு வந்தால், இந்த சினிமா மோக வாக்குகள் பிளவுபட்டு தங்களுக்குத் தான் நேரடி இழப்பை ஏற்படுத்தும் என்று அவர்கள் அஞ்சுகின்றனர்.

மு.க. ஸ்டாலின் மற்றும் எடப்பாடி பழனிசாமி போன்ற பாரம்பரிய அரசியல் முகங்களுக்கு எதிராக, சினிமாவில் இருந்து வந்த புதிய முகமாக விஜய் மக்கள் மத்தியில் தனித்து நின்று இளைஞர்களை ஈர்த்தார். ஆனால், அதே துறையில் இருந்து மக்கள் செல்வாக்கு பெற்ற தனுஷ் களமிறங்கினால் விஜய்யின் அந்த தனித்துவமான ஈர்ப்பு மங்கிவிடும் என்ற அச்சம் தவெக-விற்குள் எழுந்துள்ளது. மேலும், விஜய் நடிப்பிலிருந்து விலகிய நிலையில், தனுஷ் தொடர்ந்து திரைப்படங்களில் நடித்துக்கொண்டே அரசியல் களத்தில் இயங்குவது தற்போதைய சூழலில் அவருக்கு கூடுதல் பல சேர்க்கலாம் எனவும் கணக்கிடப்படுகிறது.

டெல்லி மேலிடத்தின் ஆதரவு இருப்பதாக எழும் சந்தேகங்களும், தனுஷால் எளிதாகக் கூட்டப்படும் பெருங்கூட்டமும் இந்த அரசியல் களத்தை மேலும் பரபரப்பாக்கியுள்ளன. தேர்தல் களம் திமுக மற்றும் தவெக இடையேயான நேரடிப் போட்டியாக நீடிக்கும் வரை மட்டுமே தங்களுக்கு அனுகூலமாக இருக்கும் என தவெக கருதுகிறது. இந்நிலையில், தனுஷ் தனது அரசியல் வருகையை அதிகாரப்பூர்வமாக அறிவித்து மும்முனைப் போட்டியாக மாற்றினால், அது தவெகவின் வாக்கு வங்கியில் எத்தகைய தாக்கத்தை ஏற்படுத்தும் என்பதைப் பொறுத்திருந்துதான் பார்க்க வேண்டும்.