பாதுகாப்பு அமைச்சகத்தில் உதவிப் பிரிவு அலுவலராக பணியாற்றி வந்த 30 வயதான நாசியா கானம் என்ற பெண், துவாரகாவில் உள்ள அவரது வீட்டில் ஆகஸ்ட் 21 அன்று உயிரிழந்த நிலையில் கண்டெடுக்கப்பட்டார். இவர் மூன்று மாத கர்ப்பிணியாக இருந்தார் என்பது குறிப்பிடத்தக்கது.
இறந்த நாசியா கானத்தின் குடும்பத்தினர், அவரது கணவரும் மாமியார் வீட்டைச் சேர்ந்தவர்களும் அவரைத் தொடர்ந்து மனரீதியாகவும் உடல்ரீதியாகவும் சித்ரவதை செய்து வந்ததாகக் குற்றம் சாட்டியுள்ளனர். குடும்பத்தினரின் புகாரைத் தொடர்ந்து காவல்துறையினர் இந்த விவகாரத்தைக் தீவிரமாகக் கவனித்து வருகின்றனர்.
இச்சம்பவம் தொடர்பாகப் பாரதிய நியாய சன்ஹிதா பிரிவுகள் 85 மற்றும் 108 ஆகியவற்றின் கீழ் காவல்துறையினர் வழக்குப்பதிவு செய்து, விரிவான விசாரணையை மேற்கொண்டு வருகின்றனர்.