விஜய் டிவியில் குக் வித் கோமாளி நிகழ்ச்சி மூலமாக ரசிகர்கள் மத்தியில் பிரபலமானவர்தான் ரித்திகா. இவர் சீரியல்களில் நடித்திருந்தாலும் குக் வித் கோமாளி நிகழ்ச்சி மூலமாக தான் ரசிகர்கள் மத்தியில் பிரபலமானார். பாக்கியலட்சுமி சீரியலில் அமிர்தா கதாபாத்திரத்தில் நடித்து ஒட்டுமொத்த ரசிகர்களையும் கவர்ந்த ரித்திகா காதும் காதும் வைத்தது போல விஜய் டிவி கிரியேட்டிவ் ப்ரொடியூசர் வினு என்பவரை திருமணம் செய்து கொண்டார்.
இவர்களுடைய திருமணம் மிக எளிய முறையில் குடும்பத்தினர் மற்றும் நெருங்கிய நண்பர்கள் முன்பு நடைபெற்றது. தொலைக்காட்சி தொடர்கள் மட்டுமல்லாமல் ஸ்டார்ட் மியூசிக், காமெடி ராஜா கலக்கல் ராணி உள்ளிட்ட பல ரியாலிட்டி நிகழ்ச்சிகளிலும் இவர் கலந்து கொண்டுள்ளார். ஆனால் திருமணத்திற்குப் பிறகு சின்னத்திரையில் தலை காட்டாத ரித்திகா கடந்த மார்ச் மாதம் தான் கர்ப்பமாக இருக்கும் செய்தியை இன்ஸ்டாகிராமில் பதிவிட்டிருந்தார்.
இதனைத் தொடர்ந்து அவருக்கு ரசிகர்கள் மற்றும் சின்னத்திரை நடிகர்கள் பலரும் வாழ்த்து தெரிவித்தனர். இந்த நிலையில் ரித்திகா நிறைமாத வயிற்றுடன் தனது கணவருடன் இணைந்து போட்டோ ஷூட் நடத்தியுள்ளார். அது தொடர்பான வீடியோவை அவர் பகிர்ந்து உள்ள நிலையில் அந்த வீடியோ இணையத்தில் வைரலாகி வர அவருக்கு பலரும் தங்கள் வாழ்த்துக்களை தெரிவித்து வருகிறார்கள்.
Instagram இல் இந்த இடுகையைக் காண்க