அட கொடுமையே… சாப்பாடு தாமதமானதால் அரங்கேறிய பயங்கரம்… டெலிவரி ஊழியர் மீது வாடிக்கையாளர் கொடூரத் தாக்குதல்… நெஞ்சை பதறவைக்கும் CCTV வீடியோ…!!

செகந்திராபாத்தில் உணவு விநியோக ஊழியர் மீது நடத்தப்பட்ட தாக்குதல் சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. ஆன்லைன் மூலம் ஆர்டர் செய்யப்பட்ட உணவு விநியோகிக்கப்படுவதில் தாமதம் ஏற்பட்டதாகக் கூறி, வாடிக்கையாளருக்கும் டெலிவரி ஊழியருக்கும் இடையே வாக்குவாதம் தொடங்கியுள்ளது. இந்த தகராறு முற்றி, ஊழியர் கடுமையாகத் தாக்கப்பட்டுள்ளார்.

தாமதத்திற்கான காரணத்தை விவரிக்க முயன்றபோதிலும், ஆத்திரமடைந்த வாடிக்கையாளர் மற்றும் அவரது தரப்பினர் ஊழியரைத் தாக்கியதாகக் கூறப்படுகிறது. இதில் காயமடைந்த டெலிவரி ஊழியர் உடனடியாக சிகிச்சைக்காக அருகில் உள்ள மருத்துவமனையில் அனுமதிக்கப்பட்டார். இந்தச் சம்பவம் குறித்த தகவல் அறிந்ததும் காவல் துறையினர் வழக்குப் பதிவு செய்து விசாரணையைத் தொடங்கியுள்ளனர்.

https://twitter.com/ndtv/status/2107063886214234299/video/1

டெலிவரி ஊழியர்கள் எதிர்கொள்ளும் பாதுகாப்பு அச்சுறுத்தல்கள் மற்றும் பணி அழுத்தங்களை இச்சம்பவம் மீண்டும் வெளிச்சத்திற்குக் கொண்டுவந்துள்ளது. தாக்குதலில் ஈடுபட்ட நபர்கள் மீது கடுமையான நடவடிக்கை எடுக்கப்பட வேண்டும் என்றும், டெலிவரி ஊழியர்களின் பாதுகாப்பை உறுதி செய்ய உரிய வழிவகைகள் செய்யப்பட வேண்டும் என்றும் சக ஊழியர்களும் பொதுமக்களும் கோரிக்கை விடுத்துள்ளனர்.