யாரும் எதிர்பார்க்காத ட்விஸ்ட்!… சேப்பாக்கத்தில் CSK … ஆனால் தோனி இல்லை… பயிற்சியாளர் மைக் ஹஸ்ஸி கொடுத்த ‘ஷாக்’ அப்டேட்…!!!

ஐபிஎல் தொடர் மிக முக்கியமான கட்டத்தை எட்டியுள்ள நிலையில், இன்றைய தினம் சேப்பாக்கம் மைதானத்தில் குஜராத் டைட்டன்ஸ் அணியை சிஎஸ்கே எதிர்கொள்கிறது. புள்ளிப்பட்டியலில் அடுத்த சுற்றுக்கு முன்னேற இப்போட்டியில் வெற்றி பெற வேண்டிய கட்டாயத்தில் சிஎஸ்கே உள்ளது. மைதானம் முழுவதும் மஞ்சள் நிற உடைகளுடன் ரசிகர்கள் திரண்டிருந்தாலும், அணியின் இதயமாகக் கருதப்படும் ‘தல’ தோனி இன்றைய ஆடும் லெவனிலும் இடம் பெறாதது ரசிகர்களிடையே பெரும் ஏமாற்றத்தை ஏற்படுத்தியுள்ளது. காயத்தில் இருந்து மீண்டு அவர் உடற்தகுதியுடன் இருப்பதாகத் தகவல் வந்தபோதும், அவர் அணியுடன் இணையாதது விவாதத்தைக் கிளப்பியுள்ளது.

தோனியின் இந்த முடிவுக்குப் பின்னால் அவரது ‘அணி நலன்’ சார்ந்த கொள்கையே காரணமாகச் சொல்லப்படுகிறது. தற்போது அணியின் காம்பினேஷன் ஒரு நிலைக்கு வந்துள்ள சூழலில், தான் உள்ளே வருவதால் சிறப்பாக விளையாடி வரும் ஒரு இளம் வீரரின் வாய்ப்பு பறிபோகக் கூடாது என்பதில் தோனி உறுதியாக இருப்பதாகத் தெரிகிறது. அணி நிர்வாகம் அவருக்குப் பச்சைக்கொடி காட்டியிருந்தாலும், தற்போதைய சூழலில் அணியின் சமநிலையைக் குலைக்க அவர் விரும்பவில்லை. இதனால் மேலும் சில போட்டிகளுக்குப் பிறகு அவர் களம் காண்பார் என எதிர்பார்க்கப்படுகிறது.

தோனி ‘இம்பாக்ட் பிளேயராக’ வருவார் என்று எதிர்பார்க்கப்பட்ட நிலையில், அவர் முழுமையான விக்கெட் கீப்பர் மற்றும் பேட்டராக மட்டுமே திரும்புவார் எனப் பயிற்சியாளர் மைக் ஹஸ்ஸி தெளிவுபடுத்தியுள்ளார். குறிப்பாக விக்கெட்டுகளுக்கு இடையே ஓடும் வேகத்தை அவர் உறுதி செய்ய வேண்டியுள்ளதால், அதில் கவனம் செலுத்தி வருகிறார். இன்றைய குஜராத் அணிக்கு எதிரான போட்டியில் சிஎஸ்கே வெற்றி பெற்று தனது அடுத்த சுற்று வாய்ப்பை உறுதி செய்யுமா என்பது ரசிகர்களின் பலத்த எதிர்பார்ப்பாக உள்ளது.