தமிழக அரசியல் களத்தில் பெரும் பரபரப்பை ஏற்படுத்தியுள்ள நிலையில், தமிழக வெற்றிக் கழகத்துடன் காங்கிரஸ் கூட்டணி அமைத்ததற்கு எதிர்ப்பு தெரிவித்து தமிழ்நாடு இளைஞர் காங்கிரஸ் மாநில பொதுச்செயலாளர் அலிம் அல்புஹாரி தனது பதவியை அதிரடியாக ராஜினாமா செய்துள்ளார்.
அகில இந்திய காங்கிரஸ் தலைவர் மல்லிகார்ஜுன கார்கேவுக்கு அவர் அனுப்பியுள்ள கடிதத்தில், நீண்டகாலமாக கொள்கை ரீதியாக இணைந்து செயல்படும் திமுகவுடனான கூட்டணியை முறித்துக்கொண்டு, நடிகர் விஜய்யின் கட்சியுடன் கைகோர்ப்பதற்கான தார்மீகக் காரணம் என்ன என்று காட்டமாகக் கேள்வி எழுப்பியுள்ளார். காங்கிரஸின் இந்தத் திடீர் வியூக மாற்றத்தால் கட்சியினுள்ளேயே ஒரு தரப்பினர் கடும் அதிருப்தியில் உள்ள நிலையில், இந்த ராஜினாமா விவகாரம் தமிழக அரசியல் வட்டாரத்தில் கூட்டணி குறித்த விவாதங்களை மேலும் சூடாக்கியுள்ளது.