சமூக வலைதளங்களில் “பராசக்தி” திரைப்படத்தில் காங்கிரஸுக்கு எதிரான வசனங்கள் இருப்பதாகத் தகவல்கள் பரவி வருகின்றன. குறிப்பாக, காங்கிரஸின் கொள்கைகளை விமர்சிக்கும் வகையில் காட்சிகள் அமைந்துள்ளதாக ஒரு தரப்பினர் பதிவிட்டு வருகின்றனர். இது குறித்து காங்கிரஸ் நாடாளுமன்ற உறுப்பினர் மாணிக்கம் தாகூர் தனது எக்ஸ் (X) தளத்தில் பதிவிட்டுள்ளதாவது, “பார்த்தவர்கள் யாராவது வீடியோ போட்டுவிடுங்கப்பா. இந்த பராசக்தி படம் தோல்வி என்று எனது நண்பர்கள் சொன்னார்கள்.
மேலும், “ஏன் நமது கஷ்டப்பட்டு உழைத்த காசை வீணாக்க வேண்டும் என்று நான் இந்தப் படத்தைப் பார்க்கவில்லை” என கிண்டலாகப் பதிவிட்டுள்ளார். இதன் மூலம், படத்தில் காங்கிரஸுக்கு எதிராகக் கருத்துகள் இருப்பதாகக் கூறப்படுவதை அவர் பெரிதாக எடுத்துக்கொள்ளாமல், படத்தின் தோல்வியைச் சுட்டிக்காட்டி விமர்சித்துள்ளார். இந்தப் பதிவு தற்போது இணையத்தில் வைரலாகி வருகிறது.