இடைத்தேர்தலில் சீமான் நின்றால்… விசிக காலியாகுமா…? திருமாவளவனின் திடீர் அச்சத்தின் பின்னணி என்ன…? தமிழக அரசியலில் வெடித்த ‘பொதுவேட்பாளர்’ சர்ச்சை…!

தமிழக அரசியலில் ஏற்பட்டுள்ள அதிரடி மாற்றங்களுக்கு மத்தியில், தவெக தலைவர் விஜய் முதலமைச்சராகப் பொறுப்பேற்ற பிறகு காலியாகியுள்ள 7 சட்டமன்றத் தொகுதிகளுக்கான இடைத்தேர்தல் களம் தற்போதே சூடுபிடிக்கத் தொடங்கியுள்ளது. குறிப்பாக, தவெக-விற்கு எதிராகத் திமுவினர் நாம் தமிழர் கட்சியின் ஒருங்கிணைப்பாளர் சீமானைப் பொதுவேட்பாளராக நிறுத்தத் திட்டமிட்டு வருவதாக விடுதலைச் சிறுத்தைகள் கட்சித் தலைவர் திருமாவளவன் பேசியிருப்பது அரசியல் வட்டாரத்தில் பெரும் விவாதத்தைக் கிளப்பியுள்ளது. கலைஞர் கருணாநிதியின் பேனா சின்னத்தை உடைப்பேன் என்று பேசிய சீமானுடன் இன்று திமுகவினர் கொஞ்சிக்குலாவி வருவதாக அவர் வைத்துள்ள விமர்சனம், சமூக வலைதளங்களில் திமுக ஆதரவாளர்களின் கடுமையான எதிர்ப்பைச் சந்தித்து வருகிறது.

இதேவேளையில், விசிக முன்னாள் எம்.எல்.ஏ பனையூர் பாபு திமுகவில் இணைந்தது குறித்து திருமாவளவன் அதிருப்தி வெளியிட்டிருந்த நிலையில், அதற்கு நெட்டிசன்கள் மற்றும் திமுக தரப்பிலிருந்து எதிர்விமர்சனங்கள் எழுந்துள்ளன. “கூட்டணியில் நீண்ட காலம் இருந்த விசிகவிலிருந்து பாபுவை திமுக சேர்த்திருக்கக் கூடாது” என்று திருமா கூறுவது சுயநலம் என்றும், திமுகவிலிருந்து ஆதவ் அர்ஜுனா விசிகவிற்குச் சென்றபோது திருமாவளவன் ஏன் சேர்த்துக் கொண்டார் என்றும் அவர்கள் கேள்வி எழுப்புகின்றனர். கூட்டணி உறவுகள் மாறிய பிறகு, திமுக யாருடன் இணைகிறது அல்லது பொதுவேட்பாளராக யாரை நிறுத்துகிறது என்பதில் திருமாவளவனுக்கு என்ன கவலை என்ற ரீதியிலும் விமர்சனக் கணைகள் பாய்ந்து வருகின்றன.

இந்த ஒட்டுமொத்தப் பதற்றத்தின் பின்னணியில் விசிகவினர் மத்தியில் ஒருவித அரசியல் அச்சம் நிலவுவதாக நெட்டிசன்கள் சுட்டிக்காட்டுகின்றனர். தவெக-வின் எழுச்சியால் அதிமுக எம்.எல்.ஏக்கள் தங்கள் பதவிகளை ராஜினாமா செய்துவிட்டு விஜய் பக்கம் சாய்வதைப் போல, ஒருவேளை இடைத்தேர்தலில் திமுக அல்லது சீமான் வென்றுவிட்டால், விசிகவில் உள்ள முக்கிய நிர்வாகிகள் பனையூர் பாபுவைப் போல திமுகவை நோக்கியோ அல்லது நாம் தமிழர் கட்சியை நோக்கியோ நகர்ந்துவிடுவார்களோ என்ற பயத்திலேயே திருமாவளவன் இவ்வாறு பேசி வருவதாக அரசியல் விமர்சகர்கள் சமூக வலைதளங்களில் கருத்து தெரிவித்து வருகின்றனர்.