“பேசலைன்னா மார்பிங் பண்ணுவியா…?”இன்ஸ்டா தோழிக்கு டார்ச்சர் கொடுத்த கல்லூரி மாணவன்… போலீஸ் அதிரடி…!!

நெல்லையைச் சேர்ந்த 33 வயது பெண்ணுக்கும், தூத்துக்குடி மாவட்டம் கோவில்பட்டியைச் சேர்ந்த 20 வயது இளைஞர் கணபதிக்கும் இன்ஸ்டாகிராம் மூலம் நட்பு ஏற்பட்டுள்ளது. நாளடைவில் இவர்களுக்குள் ஏற்பட்ட கருத்து வேறுபாடு காரணமாக, அந்தப் பெண் கணபதியுடன் பேசுவதைத் தவிர்த்துள்ளார். இதனால் ஆத்திரமடைந்த கணபதி, அந்தப் பெண்ணின் புகைப்படத்தை ஆபாசமாக மார்பிங் செய்து, அதனை அவருக்கே அனுப்பி மிரட்டல் விடுத்துள்ளார். இந்தச் செயலால் அதிர்ச்சியடைந்த அந்தப் பெண், உடனடியாகக் காவல் நிலையத்தில் புகார் அளித்தார்.

புகாரின் அடிப்படையில் வழக்குப் பதிவு செய்த போலீசார், தீவிர விசாரணை நடத்தி மிரட்டல் விடுத்த கணபதியைக் கைது செய்தனர். பிடிபட்ட கணபதி சாத்தூரில் உள்ள ஒரு தனியார் கல்லூரியில் இரண்டாம் ஆண்டு படித்து வரும் மாணவர் என்பது தெரியவந்துள்ளது. ஒரு பெண்ணின் தனிப்பயன் புகைப்படத்தைத் தவறாகப் பயன்படுத்திய குற்றத்திற்காக அவர் மீது கடுமையான சட்டப் பிரிவுகளின் கீழ் நடவடிக்கை எடுக்கப்பட்டுள்ளது. சமூக வலைதளங்களில் அறிமுகமில்லாத நபர்களுடன் பழகும்போது எச்சரிக்கையாக இருக்க வேண்டும் எனப் போலீசார் இந்தச் சம்பவத்தின் மூலம் பொதுமக்களுக்கு அறிவுறுத்தியுள்ளனர்.