நண்பன் அஜித் வீட்டில் சோகம்… ஓடோடி வந்த CM விஜய்… கூடவே வந்த நடிகை திரிஷா… வைரலாகும் video..!!

தமிழ் திரையுலகின் முன்னணி நட்சத்திரமான அஜித் குமாரின் தாயார் மோகினி மணி (வயது 89), வயது முதிர்வு மற்றும் உடல்நலக் குறைவு காரணமாக சென்னையில் காலமானார். அஜித்தின் சகோதரர் அனில் குமார் இந்த துயரச் செய்தியை சமூக வலைத்தள பக்கத்தில் பகிர்ந்துள்ளார். நீண்ட ஆயுளுடன், அனைவரின் அன்போடும் வாழ்ந்த தங்களது தாயாரின் இறுதிச் சடங்குகள், குடும்ப வழக்கப்படி நெருங்கிய உறவினர்கள் முன்னிலையில் மிகவும் தனிப்பட்ட முறையில் நடைபெறும் என்றும் அவரது குடும்பத்தினர் தெரிவித்துள்ளனர்.

அஜித்தின் தாயார் மறைந்த செய்தி கேட்டு, தமிழக முதலமைச்சரும் நடிகருமான சி. ஜோசப் விஜய் தனது எக்ஸ் (X) தளத்தில் உருக்கமான இரங்கல் செய்தியை வெளியிட்டுள்ளார். அதில், “அருமை நண்பர் திரு. அஜித் குமார் அவர்களின் தாயார் திருமதி மோகினி அம்மையார் மறைவுச் செய்தி கேட்டு மிகுந்த வேதனை அடைந்தேன். வாழ்வில் அனைத்து நிலைகளிலும் அரணாக இருந்து அரவணைத்த தாயாரை இழந்து வாடும் நண்பர் அஜித் குமார் மற்றும் அவரது குடும்பத்தினருக்கு எனது ஆழ்ந்த இரங்கலைத் தெரிவித்துக் கொள்கிறேன்” என பதிவிட்டுள்ளார்.

இதேபோல், உலகநாயகன் கமல்ஹாசன், நடிகர் சரத்குமார் உள்ளிட்ட பல திரை பிரபலங்களும், அரசியல் தலைவர்களும் அஜித்தின் தாயார் மறைவுக்குத் தங்களது அஞ்சலியையும், குடும்பத்தினருக்கான ஆறுதல்களையும் தெரிவித்து வருகின்றனர். துபாயில் இருந்த நடிகர் அஜித் குமார், இந்த செய்தியை அறிந்தவுடன் தனது தாயாரின் இறுதிச்சடங்கில் பங்கேற்பதற்காக உடனடியாக சென்னை விரைந்துள்ளார் என்பது குறிப்பிடத்தக்கது.