மாமல்லபுரத்தில் உள்ள பிரபல நட்சத்திர விடுதியில், தமிழக வெற்றிக் கழகத்தின் தலைவரும் முதலமைச்சருமான விஜய் அக்கட்சியின் சட்டமன்ற உறுப்பினர்களைத் தனித்தனியாகச் சந்தித்து ஆலோசனை நடத்தி வருவதாகத் தகவல்கள் வெளியாகியுள்ளன. இந்தச் சந்திப்பின் போது, கடந்த ஆறு மாத காலத்தில் அவரவர் தொகுதிகளில் மேற்கொள்ளப்பட்ட மக்கள் நலப் பணிகள் மற்றும் செயல்பாடுகள் குறித்த விரிவான பணி அறிக்கையை ஒவ்வொரு சட்டமன்ற உறுப்பினரிடமும் அவர் கேட்டறிந்துள்ளதாகக் கூறப்படுகிறது.
மேலும், தொகுதி மக்களின் தேவைகளை உடனுக்குடன் பூர்த்தி செய்யும் வகையில், கூடுதல் கவனத்துடன் களப்பணிகளைத் துரிதப்படுத்துமாறு சட்டமன்ற உறுப்பினர்களுக்கு முதலமைச்சர் விஜய் அறிவுறுத்தியதாகவும் அரசியல் வட்டாரங்களில் பேசப்படுகிறது. இந்த முக்கிய ஆலோசனைக் கூட்டத்தில் தங்களது சந்திப்பை நிறைவு செய்த பெண் சட்டமன்ற உறுப்பினர்கள், அங்கிருந்து புறப்பட்டுச் சென்றுள்ளதாகத் தகவல்கள் தெரிவிக்கின்றன.