தமிழகத்தில் தமிழக வெற்றி கழகத் தலைமையில் ஆட்சி நடைபெற்று வருவதாகவும், அந்த ஆட்சியை வீழ்த்துவதற்கு எதிர்க்கட்சிகள் தீவிரமாக ரகசியத் திட்டம் தீட்டி வருவதாகவும் வெளியாகியுள்ள தகவல்கள் அரசியல் களத்தில் கடும் புயலைக் கிளப்பியுள்ளன. குறிப்பாக, ஆளும் அரசுக்கு வெளியில் ஆதரவு அளிப்பது போல் காட்டி வரும் திருமாவளவன் மற்றும் இடதுசாரி கட்சியினர், தவெக ஆட்சியை வீழ்க்கும் முயற்சியில் ஈடுபட்டுள்ளதாகக் கூறப்படுகிறது. சமீபத்தில் சிறப்புச் சுருக்கத் திருத்தம் தொடா்பாக திருமாவளவன் ஆற்றிய உரை, இந்த ரகசியத் திட்டத்தின் ஒரு பகுதியாகவே பார்க்கப்படுவதாக அரசியல் விமர்சகர்கள் கருத்து தெரிவித்து வருகின்றனர்.
இந்த விவகாரம் தொடர்பான உளவுத்துறை அறிக்கை முதலமைச்சர் விஜய்யின் கவனத்திற்குக் கொண்டு செல்லப்பட்டதைத் தொடர்ந்து, கோட்டையில் அவசர ஆலோசனைகள் தீவிரமடைந்துள்ளன. உளவுத்துறையின் எச்சரிக்கையைக் கேட்டு அதிர்ச்சியடைந்த முதலமைச்சர் விஜய், தனது முதன்மை ஆலோசகர்கள் மற்றும் கட்சியின் மூத்த நிர்வாகிகளுடன் அடுத்தகட்ட நடவடிக்கைகள் குறித்து தீவிரமாக விவாதித்து வருகிறார். கூட்டணிக் கட்சிகள் மற்றும் ஆதரவளிக்கும் தலைவர்களின் ஒவ்வொரு நகர்வையும் உன்னிப்பாகக் கவனிக்க பிரத்யேகக் குழு ஒன்றும் அமைக்கப்பட்டுள்ளதாகத் தெரிகிறது.
அரசியல் நெருக்கடிகளை முறியடிக்கவும், ஆட்சியின் நிலைத்தன்மையை உறுதி செய்யவும் தவெக தலைமை பல்வேறு வியூகங்களை வகுத்து வருகிறது. ஆட்சிக்கலைப்பு முயற்சியை முறியடிக்கும் வகையில் சட்டமன்ற உறுப்பினர்களின் ஆதரவை வலுப்படுத்தவும், சட்ட ரீதியான முன்னெச்சரிக்கை நடவடிக்கைகளை மேற்கொள்ளவும் தயாராகி வருகின்றனர். இத்தகைய சூழலால் தமிழக அரசியல் களத்தில் பரபரப்பான சூழல் நிலவி வருகிறது.