“விஜய் போட்ட போடு….. கதி கலங்கிய கூட்டணிக் கட்சிகள்”….. 7 தொகுதியிலும் தனித்து போட்டி… தமிழக அரசியலில் அதிரடி திருப்பம்….!

இந்தியாவிலேயே முதன்முறையாகத் தமிழக வெற்றிக் கழகத் தலைவர் விஜய் முதலமைச்சராகப் பொறுப்பேற்றுச் செயல்பட்டு வரும் நிலையில், தமிழக அரசியலில் இடைத்தேர்தல் களம் மிக வேகமாகச் சூடுபிடித்து வருகிறது. மாநிலத்தில் காலியாக உள்ள மதுராந்தகம், தாராபுரம், திருச்சி கிழக்கு, கரூர், விராலிமலை, பெருந்துறை, அம்பாசமுத்திரம் ஆகிய 7 சட்டப்பேரவைத் தொகுதிகளுக்கும் உடனடியாக இடைத்தேர்தல் நடத்தப்பட வேண்டும் என்பதில் முதலமைச்சர் விஜய் மிகவும் உறுதியாக உள்ளார். தற்போது மதுராந்தகம், தாராபுரம் ஆகிய இரு தொகுதிகளுக்கு மட்டும் அடுத்த மாதம் தேர்தல் நடைபெறும் எனத் தேர்தல் ஆணையம் அறிவித்துள்ள சூழலில், எஞ்சிய 5 தொகுதிகளுக்கும் காலம் தாழ்த்தாமல் உடனே தேர்தலை நடத்த வலியுறுத்தி தவெக சார்பில் சட்டப் போராட்டம் தீவிரமடைந்துள்ளது.

இந்தத் தீவிரமான நடவடிக்கைக்குப் பின்னால் ஒரு வலுவான அரசியல் காரணமும் மக்கள் நலன் சார்ந்த சட்ட வாதமும் அடங்கியுள்ளன. தற்சமயம் ஆட்சிப் பொறுப்பில் இருக்கும் தமிழக வெற்றிக் கழக அரசு, சட்டமன்றத்தில் மெஜாரிட்டியைத் தக்கவைக்கவும் அரசின் முக்கியக் கொள்கை முடிவுகள் மற்றும் திட்டங்களை நிறைவேற்றவும் கூட்டணிக் கட்சிகளின் தயவை நம்பியிருக்க வேண்டியுள்ளது. இதனால் ஏற்படும் அரசியல் அழுத்தங்களையும் சமரசங்களையும் தவிர்க்க, காலியாக உள்ள 7 தொகுதிகளிலும் வெற்றி பெற்று தனிப் பெரும்பான்மை பலத்தை அடைய வேண்டும் என்பதே முதலமைச்சர் விஜய்யின் முதன்மை இலக்காகும்.

எஞ்சிய 5 தொகுதிகளுக்குத் தேர்தல் நடத்தத் தடை விதிக்கக் கோரித் தாக்கல் செய்யப்பட்ட மனுவைத் தொடர்ந்து, உயர்நீதிமன்றம் பிறப்பித்த இடைக்காலத் தடையை நீக்கத் தவெக தரப்பில் வழக்குத் தொடுக்கப்பட்டுள்ளது. நீதிமன்றத்தில் நிலுவையில் உள்ள தேர்தல் வழக்குகளைக் காரணம் காட்டித் தேர்தலைத் தள்ளிவைப்பது மக்கள் பிரதிநிதித்துவச் சட்டத்தின் நோாக்கத்திற்கே எதிரானது என்றும், வெற்றி வாய்ப்பை இழந்து தோல்வியடைந்த வேட்பாளர்களின் சுயநலனுக்காகத் தொகுதி மக்களைப் பிரதிநிதி இல்லாமல் வைப்பது ஜனநாயக அநீதி என்றும் அரசுத் தரப்பு வழக்கறிஞர் காரசாரமாக வாதிட்டுள்ளார்.

ஒரு ஜனநாயக நாட்டில் நீண்ட காலம் எம்.எல்.ஏ. இல்லாமல் ஒரு தொகுதி முடங்கும்போது, அப்பகுதி மக்களின் குடிநீர், சாலை, கல்வி மற்றும் மருத்துவம் போன்ற அடிப்படைத் தேவைகளுக்காகச் சட்டமன்றத்தில் குரல் கொடுக்க ஆளில்லாமல் போகிறது. தேர்தல் வழக்குகள் முடிய ஆண்டுகள் பல ஆகலாம் என்பதால், தொகுதி மக்களின் உரிமைகளைப் பாதுகாக்கவும், கூட்டணிக் கட்சிகளின் நிபந்தனைகளுக்கு அடிபணியாமல் மக்கள் நலத் திட்டங்களைத் தடையின்றிச் செயல்படுத்தவும் எஞ்சிய தொகுதிகளுக்கு உடனே தேர்தல் நடத்தப்பட வேண்டும் என்பதில் தவெக உறுதியாக உள்ளது. இந்த வழக்கில் சென்னை உயர்நீதிமன்றம் வழங்கப்போகும் தீர்ப்பு தமிழக அரசியலில் ஒரு முக்கியத் திருப்புமுனையாக அமையும் என எதிர்பார்க்கப்படுகிறது.