“ஸ்டார் டூ முதலமைச்சர்…” ரசிகர்களுக்காக ‘மாஸ்டர்’ பாணியில் பஞ்ச் செய்த CM… க்கள் சேவையோடு ரசிகர்களின் இதயங்களையும் வெல்லும் தவெக அரசு….!!

தமிழ் திரையுலகின் முன்னணி நட்சத்திரமாக இருந்து, தற்பொழுது தமிழகத்தின் முதலமைச்சராகப் பொறுப்பேற்றுள்ள தவெக தலைவர் விஜயைப் பொதுமக்கள் மற்றும் இளைஞர்கள் இன்னும் ஒரு சினிமா நாயகனாகவே கொண்டாடி வரும் சுவாரசியமான நிகழ்வுகள் இணையத்தில் வைரலாகி வருகின்றன. சென்னையில் இன்று நடைபெற்ற அரசு விழாவில், சுமார் 139 கோடி ரூபாய் மதிப்பிலான மருத்துவக் கட்டடங்களைத் திறந்து வைத்ததுடன், 751 உதவி மருத்துவ அலுவலர்கள் மற்றும் 1,393 சுகாதார ஆய்வாளர்களுக்குப் பணி நியமன ஆணைகளை முதலமைச்சர் வழங்கினார். இந்த விழாவில் ஆணைகளைப் பெற்றுக்கொள்ள மேடைக்கு வந்த பயனர்கள், தங்களின் ‘ஃபேன் பாய்’ (Fan boy) உணர்வுகளைக் கட்டுப்படுத்த முடியாமல் முதலமைச்சரிடம் காட்டிய அதீத அன்பு அரங்கையே அதிரவைத்தது.

மின்வாரியத் துறை விழாவைத் தொடர்ந்து இந்த அரசு விழாவிலும், பணி ஆணைகளைப் பெற வந்தவர்கள் முதலமைச்சர் விஜயைக் கட்டியணைப்பது, கைகுலுக்குவது, ஆட்டோகிராஃப் வாங்குவது மற்றும் அவருடன் செல்ஃபி எடுப்பது எனப் பல கோரிக்கைகளை முன்வைத்தனர். மக்களின் உணர்வுகளுக்கு மதிப்பளித்த முதலமைச்சர் விஜய், மேடையிலேயே ரசிகர்களின் விருப்பப்படி ‘மாஸ்டர்’ பட பாணியில் கைகளைப் பஞ்ச் செய்தும், அரங்கில் இருந்த அவர்களின் குடும்பத்தினரை நோக்கி ‘ஹார்ட்டின்’ குறியீடு காட்டியும் கையசைத்து நெகிழ்ச்சியை ஏற்படுத்தினார். ஒரு முதலமைச்சராகத் தங்களின் கோரிக்கைகளை இன்முகத்துடன் உடனடியாக நிறைவேற்றிய விஜயின் இந்த எளிய அணுகுமுறை, சமூக வலைத்தளங்களில் தற்பொழுது நெட்டிசன்களின் பாராட்டுகளைப் பெற்றுத் தீயாய்ப் பரவி வருகின்றது.