“வெடிக்கும் 3ம் உலகப்போர்”… சீனக் கப்பலை நடுக் கடலில் தட்டித்தூக்கிய அமெரிக்கா… உலகத்தையே உலுக்கிய அந்த ஒரு தாக்குதல்… !

ஓமன் வளைகுடாவில் சீனாவிலிருந்து ஈரான் நோக்கிச் சென்று கொண்டிருந்த ‘டூஸ்கா’ (Tuska) என்ற சரக்குக் கப்பலை அமெரிக்க கடற்படை அதிரடியாகத் தாக்கிச் சிறைபிடித்திருப்பது சர்வதேச அரங்கில் பெரும் பரபரப்பை ஏற்படுத்தியுள்ளது. ஈரானின் பண்டார் அப்பாஸ் துறைமுகத்திற்குச் சென்று கொண்டிருந்த இந்தக் கப்பல், அமெரிக்காவின் கடல்வழி முற்றுகையை மீற முயன்றதாகக் கூறி இந்தத் தாக்குதல் நடத்தப்பட்டுள்ளது. இந்தக் கப்பலில் சீனத் தொடர்பு இருப்பதால், இதுநாள் வரை அமெரிக்கா – ஈரான் இடையிலான மோதலாக இருந்த விவகாரம், தற்போது அமெரிக்கா – சீனா இடையிலான நேரடிப் பிரச்சனையாக உருவெடுத்துள்ளது.

அமெரிக்காவின் இந்த நடவடிக்கையை “கடற்கொள்ளையர்களின் செயல்” என ஈரான் கடுமையாகச் சாடியுள்ளது. இதற்குப் பதிலடியாக வளைகுடா நாடுகளில் உள்ள மின் உற்பத்தி மற்றும் குடிநீர் சுத்திகரிப்பு நிலையங்களைக் குறிவைப்போம் என ஈரான் ராணுவம் எச்சரிக்கை விடுத்துள்ளது. இந்த மோதல் போக்கின் காரணமாக, பாகிஸ்தானின் இஸ்லாமாபாத்தில் உள்ள ‘செரீனா ஹோட்டலில்’ அமெரிக்க துணை அதிபர் ஜே.டி. வான்ஸ் பங்கேற்புடன் நடைபெறவிருந்த அமைதிப் பேச்சுவார்த்தை தற்போது கேள்விக்குறியாகியுள்ளது. இரு நாடுகளுக்கும் இடையிலான சமரச முயற்சிகளில் இந்தச் சம்பவம் ஒரு பெரும் முட்டுக்கட்டையாக அமைந்துள்ளது.

இந்த நடுக்கடல் மோதலின் தாக்கம் உலகப் பொருளாதாரத்திலும் எதிரொலிக்கத் தொடங்கியுள்ளது. கச்சா எண்ணெய் விலை ஒரே நாளில் 7% உயர்ந்து, ஒரு பேரல் $96.85 ஆக அதிகரித்துள்ளது. இதனால் இந்தியா போன்ற எண்ணெய் இறக்குமதியைச் சார்ந்துள்ள நாடுகளில் பெட்ரோல் மற்றும் டீசல் விலை கணிசமாக உயரும் அபாயம் ஏற்பட்டுள்ளது. சர்வதேச வர்த்தகப் பாதையில் நிலவும் இந்த அசாதாரண சூழல், உலக நாடுகளிடையே பெரும் கவலையை ஏற்படுத்தியுள்ளது.