பகீர்..! பிரபல மருத்துவமனை கழிவறையில் ரகசிய கேமரா.. இளம்பெண் மற்றும் தாயை வீடியோ எடுத்த ஊழியர்.. அதிர்ச்சியில் நோயாளிகள்..!!

ரூபி ஜெனரல் மருத்துவமனையில் அரங்கேறியுள்ள இந்த அதிர்ச்சிகரமான சம்பவம் பெரும் பரபரப்பை ஏற்படுத்தியுள்ளது. மத்யம்கிராம் பகுதியைச் சேர்ந்த இளம்பெண் ஒருவர் தனது தாயுடன் மருத்துவமனைக்குச் சென்றிருந்தபோது, அங்கிருந்த பெண்கள் கழிவறைக்குச் சென்றுள்ளனர். அவர்கள் வெளியே வரும்போது, அங்கு ரகசியமாக மொபைல் போன் ஒன்று மறைத்து வைக்கப்பட்டு வீடியோ எடுக்கப்படுவதைக் கண்டு அதிர்ச்சியடைந்தனர். இது குறித்து அவர்கள் உடனடியாக சத்தமிடவே, அந்தப் போனை வைத்து வீடியோ எடுத்த நபர் அதே மருத்துவமனையில் பணியாற்றும் ஊழியர் என்பது தெரியவந்தது.

பாதிக்கப்பட்டவர்கள் இது குறித்து மருத்துவமனை நிர்வாகத்திடம் புகார் அளித்தனர். ஆனால், நிர்வாகத் தரப்பில் உரிய நடவடிக்கை எடுக்காமல், மழுப்பலான பதில்களையும் சாக்குப்போக்குகளையும் கூறித் தப்பிக்க முயன்றதாகக் கூறப்படுகிறது. மருத்துவமனை நிர்வாகத்தின் இந்த அலட்சியப் போக்கு பாதிக்கப்பட்ட பெண்களுக்கு மேலும் மன உளைச்சலை ஏற்படுத்தியது. பாதுகாப்பான இடமாகக் கருதப்படும் மருத்துவமனையிலேயே இத்தகைய அத்துமீறல் நடந்தது பொதுமக்களிடையே அச்சத்தை உண்டாக்கியுள்ளது.

நிர்வாகம் ஒத்துழைக்காததால், இறுதியில் அந்தப் பெண் 100 என்ற எண்ணுக்கு அழைத்து போலீசாருக்குத் தகவல் கொடுத்தார். சம்பவ இடத்திற்கு வந்த ஆனந்தபூர் போலீசார், குற்றஞ்சாட்டப்பட்ட ஊழியர் மீது வழக்குப் பதிவு செய்தனர். இருப்பினும், சம்பவம் நடந்து 24 மணி நேரத்தைக் கடந்தும் அந்த ஊழியர் மீது எந்தவிதமான உறுதியான நடவடிக்கையும் எடுக்கப்படவில்லை என்பது மிகுந்த கவலையளிப்பதாக உள்ளது. பெண்களின் பாதுகாப்பை உறுதி செய்ய வேண்டிய இடத்தில் இத்தகைய மெத்தனமான போக்கு நீடிப்பது கடும் விமர்சனத்திற்கு உள்ளாகியுள்ளது.