கரூர் கொடூரம்… தாய்க்கு அருகில் ஒரே குழியில் பிள்ளைகள்… இப்படி ஒரு துயரமா..?

தமிழக வெற்றி கழக தலைவர் விஜய் நேற்று இரவு 7:30 மணிக்கு கரூரில் பிரச்சாரம் செய்யும் இடத்திற்கு வந்தடைந்தார். 12 மணிக்கு அவர் வருவார் என கூறப்பட்ட நிலையில் விஜய் வருவதற்கு தாமதம் ஏற்பட்டது. அவரை பார்ப்பதற்காக ஏராளமான மக்கள் கூடி இருந்தனர். இந்த நிலையில் விஜய் பேசிக்கொண்டிருந்த போது கூட்ட நெரிசலில் சிக்கி பலர் மயங்கி விழுந்தனர். இந்த கோர சம்பவத்தில் தற்போது வரை 40 பேர் உயிரிழந்தனர். 50க்கும் மேற்பட்டோர் மருத்துவமனையில் சிகிச்சை பெற்று வருகின்றனர். தேர்தல் சுற்று பயணத்தில் இவ்வளவு பேர் உயிரிழந்த சம்பவம் பெரும் அதிர்வலைகளை ஏற்படுத்தியுள்ளது.

இந்நிலையில் இந்த சம்பவத்தில் ஹேமலதா என்ற தாயும், கரூர் தனியார் பள்ளியில் பயிலும் அவருடைய குழந்தைகளான சாய் லக்ஷனா, சாய் ஜீவா ஆகிய ஒரே குடும்பத்தை சேர்ந்த மூன்று பேர் பரிதாபமாக உயிர் இழந்துள்ளனர். அதாவது கரூர் தனியார் பள்ளியில் பயிலும் அக்கா தங்கை மற்றும் அம்மா என ஒரே குடும்பத்தை சேர்ந்த மூன்று பேர் உயிரிழந்தனர்.

இந்நிலையில் விஜய்யை பார்க்க போலாம் என புறப்பட்ட தாய் , மகன், மகள் இன்று நல்லடக்கம் செய்யப்பட்டு விட்டனர். கரூரை சேர்ந்த ஆனந்த ஜோதி என்பவரது மனைவி ஹேமலதா ஒரு குழியில், அவரது மகள் மற்றும் மகன் இருவரும் ஒரே குழியில் தாய்க்கு அருகிலேயே அடக்கம் செய்யப்பட்டுள்ளனர். எத்தனை எத்தனை கனவுகளுடன் ஆசையாக வளர்த்த பிள்ளைகளையும் மனைவியையும் பிரிந்து இன்று மீளா துயரத்தில் ஆழ்ந்த கணவருக்கு யார் ஆறுதல் கூறுவது என்றே தெரியவில்லை.