நைஜீரியாவில் பொதுக் குப்பைத் தொட்டி ஒன்றின் அருகே, சாக்குப்பையினுள் இறுக்கமாகக் கட்டப்பட்ட நிலையில் கைவிடப்பட்டிருந்த பச்சிளம் குழந்தை ஒன்று அதிர்ஷ்டவசமாக உயிருடன் மீட்கப்பட்டுள்ளது. இரக்கமற்ற முறையில் மடிக்கப்பட்டு, பல அடுக்குத் துணிகளால் சுற்றப்பட்டிருந்த அந்தக் குழந்தை, மூச்சுத் திணறக் கூடிய அபாயகரமான நிலையில் சாக்குப்பையில் அடைக்கப்பட்டிருந்தது. இந்தச் சம்பவம் அந்தப் பகுதியில் பெரும் அதிர்ச்சியை ஏற்படுத்தியுள்ளது.
A newborn baby has been rescued after being found tightly wrapped and placed inside a sack near a public dustbin somewhere in Nigeria.
According to reports, the infant had been double-folded and covered with multiple wrappers, making it difficult to hear the baby’s cries.… pic.twitter.com/Fxy4GLKtYF
— GhanaWeb (@TheGhanaWeb) March 10, 2026
குழந்தை பல அடுக்குகளாகச் சுற்றப்பட்டிருந்ததால், அதன் அழுகுரல் முதலில் யாருக்கும் கேட்கவில்லை. இருப்பினும், மரணப் போராட்டத்திற்கு இடையே அந்தக் குழந்தை எழுப்பிய மெல்லிய அழுகுரல், அந்த வழியாகச் சென்றவர்களின் கவனத்தை ஈர்த்தது. உடனடியாகச் சத்தத்தை நோக்கிச் சென்ற மக்கள், சாக்குப்பையைப் பிரித்துப் பார்த்தபோது உள்ளே உயிருக்குப் போராடிக்கொண்டிருந்த குழந்தையைக் கண்டு அதிர்ச்சியடைந்தனர். சரியான நேரத்தில் அந்த அழுகுரல் கேட்டதால் ஒரு பெரும் உயிர்ச்சேதம் தவிர்க்கப்பட்டது.
மீட்கப்பட்ட குழந்தை உடனடியாக அருகில் உள்ள மருத்துவ மையத்திற்கு கொண்டு செல்லப்பட்டது. அங்கு மருத்துவக் குழுவினர் குழந்தைக்குத் தேவையான அவசர சிகிச்சை மற்றும் பராமரிப்புகளை வழங்கி வருகின்றனர். குழந்தையைக் கொல்லும் நோக்கிலேயே இவ்வளவு இறுக்கமாகக் கட்டி குப்பையில் வீசியிருக்கலாம் எனச் சந்தேகிக்கப்படுகிறது. இந்தச் செயல் குறித்து அந்நாட்டு அதிகாரிகள் வழக்குப் பதிவு செய்து தீவிர விசாரணை நடத்தி வருகின்றனர்.