தமிழக முதலமைச்சர் விஜய், சென்னை ஆழ்வார்பேட்டையில் உள்ள முன்னாள் முதலமைச்சர் மு.க. ஸ்டாலினின் இல்லத்திற்கு நேரில் சென்று அவரைச் சந்தித்துப் பேசினார். மரியாதை நிமித்தமாக நடைபெற்ற இந்தச் சந்திப்பின் போது, புதிதாகப் பொறுப்பேற்றுள்ள தமிழக வெற்றிக் கழக அரசுக்கு மு.க. ஸ்டாலின் தனது வாழ்த்துகளைத் தெரிவித்துக் கொண்டதாகக் கூறப்படுகிறது. இந்த நிகழ்வின் போது உதயநிதி ஸ்டாலின், சேகர் பாபு, எ.வ. வேலு உள்ளிட்ட முக்கியப் பிரமுகர்கள் உடனிருந்தனர்.
அரசியல் களத்தில் இருவேறு துருவங்களாகச் செயல்பட்டாலும், தனிப்பட்ட முறையில் ஒருவருக்கொருவர் காட்டிய இந்தப் பரஸ்பர மரியாதை அரசியல் வட்டாரங்களில் நெகிழ்ச்சியை ஏற்படுத்தியுள்ளது. தேர்தல் கசப்புகளை மறந்து, ஒரு ஆரோக்கியமான அரசியல் கலாச்சாரத்தை முன்னெடுக்கும் விதமாக அமைந்துள்ள முதலமைச்சர் விஜய்யின் இந்தச் சந்திப்பு, பொதுமக்கள் மற்றும் அரசியல் விமர்சகர்களிடையே பெரும் வரவேற்பையும் பாராட்டையும் பெற்று வருகிறது.