தமிழகத்தில் 2026 ஆம் ஆண்டு சட்டமன்றத் தேர்தல் நடைபெற உள்ள நிலையில் தற்போதைய தேர்தல் களம் சூடு பிடிக்க தொடங்கிவிட்டது. அனைத்து அரசியல் கட்சிணரும் தீவிரமாக வாக்கு சேகரிப்பில் தொடர்ந்து ஈடுபட்டு வருகிறார்கள். தமிழகத்தில் மீண்டும் திமுக ஆட்சியை தக்கவைக்க வேண்டும் என்று முதல்வர் ஸ்டாலின் படாத பாடு பட்டு கொண்டிருக்கிறார். திமுக கூட்டணி பலமாக உள்ள நிலையில் மேலும் கட்சியை வலுவாக்குவதற்கான வேலைகளில் முதல்வர் ஸ்டாலின் களம் இறங்கியுள்ளார்.
இப்படியான நிலையில் ஒவ்வொரு வீட்டிலும் குறைந்தது 10 நிமிடம் கலந்துரையாட திமுக மாவட்ட செயலாளர்களுக்கு முதல்வர் ஸ்டாலின் உத்தரவிட்டுள்ளார். காணொளி மூலம் மாவட்ட செயலாளர்களுடன் அவர் ஆலோசனை நடத்தினார். அப்போது அவர், திமுக அரசின் சாதனைகளை கூறி மக்களிடம் பிரச்சாரம் செய்ய வேண்டும் என்று அறிவுறுத்தினார். திமுகவில் 2.5 கோடி பேரை உறுப்பினர்களாக்க இலக்கு நிர்ணயம் செய்யப்பட்டுள்ளதாகவும் தெரிவித்துள்ளார்.