தமிழ்நாட்டில் வடகிழக்கு பருவமழை தீவிரமடைந்துள்ள நிலையில், சென்னையில் நேற்று நள்ளிரவு கொட்டித்தீர்த்த கனமழையால் பல பகுதிகளில் வெள்ளநீர் தேங்கி பொதுமக்களின் இயல்பு வாழ்க்கை கடுமையாக பாதிக்கப்பட்டுள்ளது. குறிப்பாக, வட மற்றும் மத்திய சென்னை பகுதிகளில் குறுகிய நேரத்தில் பெய்த அதிகனமழையால் தாழ்வான பகுதிகளில் தண்ணீர் பெருக்கெடுத்து ஓடுகிறது. வானிலை ஆய்வு மையத்தின் எச்சரிக்கையைத் தொடர்ந்து, பொதுமக்களின் பாதுகாப்பை உறுதி செய்யவும், தேங்கியுள்ள மழைநீரை உடனடியாக அகற்றவும் அரசு போர்க்கால அடிப்படையில் நடவடிக்கைகளை மேற்கொண்டு வருகிறது.
வெள்ள நிவாரணப் பணிகளை விரைவுபடுத்தும் வகையில், சென்னை மாநகராட்சியின் 15 மண்டலங்களையும் ஒருங்கிணைத்து கண்காணிக்க 8 பொறுப்பு அமைச்சர்களை முதலமைச்சர் விஜய் அதிரடியாக நியமித்துள்ளார். அமைச்சர் ஆதவ் அர்ஜுனா தலைமையில் நியமிக்கப்பட்டுள்ள இந்த அமைச்சர்கள் குழுவினர், உடனடியாகத் தாங்கள் பொறுப்பேற்றுள்ள மண்டலங்களுக்கு நேரில் சென்று களப்பணிகளை முடுக்கிவிட உத்தரவிடப்பட்டுள்ளது. மேலும், வெளியூர்களில் முகாமிட்டுள்ள அமைச்சர்கள் அனைவரையும் உடனடியாகச் சென்னைக்குத் திரும்பி களமிறங்கிப் பணியாற்றும்படியும் அவர் பிறப்பித்துள்ளார்.
ஒவ்வொரு மண்டலத்திற்கும் தனித்தனியாக அமைச்சர்கள் ஒதுக்கப்பட்டுள்ளனர்; அதன்படி, திருவொற்றியூர் மற்றும் மணலிக்கு ரமேஷ், தண்டையார்பேட்டை மற்றும் மாதவரத்திற்கு லோகேஷ் தமிழ்செல்வன், ராயபுரம் மற்றும் திரு.வி.க. நகருக்கு அருண்ராஜ் ஆகியோர் பொறுப்பாளர்களாக நியமிக்கப்பட்டுள்ளனர். அத்துடன், அண்ணாநகர், தேனாம்பேட்டை, அம்பத்தூர் பகுதிகளுக்கு விஜய் பாலாஜியும், வளசரவாக்கம் மற்றும் கோடம்பாக்கத்திற்கு பிரபுவும், ஆலந்தூர் மற்றும் அடையாறுக்கு பார்த்திபனும், பெருங்குடி மற்றும் சோழிங்கநல்லூருக்கு விக்னேஷும் பொறுப்பு அமைச்சர்களாக நியமிக்கப்பட்டு நிவாரணப் பணிகளைத் தீவிரப்படுத்தி வருகின்றனர்.
சென்னை மாநகராட்சி சார்பில் அவசர உதவி எண்களும் வெளியிடப்பட்டு, தேங்கியுள்ள நீரை மோட்டார்கள் மூலம் வெளியேற்றும் பணியும், பாதிக்கப்பட்ட மக்களுக்கு உணவு மற்றும் மருத்துவ உதவிகளை வழங்கும் நடவடிக்கைகளும் துரிதப்படுத்தப்பட்டுள்ளன. முதலமைச்சரின் இந்த நேரடித் தலையீடு மற்றும் அமைச்சர்களின் தீவிர களப்பணிகளால் மழைநீர் வடிகால் மற்றும் நிவாரணப் பணிகள் வேகம் எடுத்துள்ளதோடு, பொதுமக்கள் இயல்பு நிலைக்குத் திரும்ப தேவையான அனைத்து நடவடிக்கைகளும் தடையின்றி நடைபெற்று வருகின்றன.
பெங்களூருவைச் சேர்ந்த தொழிலதிபரான ஆனந்தராஜ், தனது 22 வயது ஊழியர் கிரண் மற்றும் அவரது 19 வயது மகளைத் தனது…
கர்நாடகாவில் நடந்த ஒரு அதிர்ச்சி சம்பவத்தில், மாப்பிள்ளை ஒருவர் தனது மாமியாரைத் தொலைபேசியில் அழைத்து, "நான் உங்கள் மகளைக் கொன்றேன்"…
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…