ஈரான் மற்றும் அமெரிக்கா இடையே நிலவும் போர் பதற்றம் காரணமாக, சிமெண்ட் மற்றும் கட்டுமானக் கம்பிகளின் விலை அதிரடியாக உயர்ந்துள்ளது. சிமெண்ட் தயாரிப்பிற்கான மூலப்பொருட்கள் வளைகுடா நாடுகளில் இருந்து வருவதில் சிக்கல் ஏற்பட்டுள்ளதால், உற்பத்தி செலவு அதிகரித்துள்ளது. இதன் விளைவாக, நாளை முதல் ஒரு மூட்டை சிமெண்ட் விலை ₹50 முதல் ₹70 வரை உயரும் எனத் தயாரிப்பு நிறுவனங்கள் அறிவித்துள்ளன.
அதேபோல், கட்டுமானக் கம்பிகளின் விலையும் கணிசமாக உயர்த்தப்பட்டுள்ளது. ஒரு டன் கம்பியின் விலை ₹2,000 வரை உயரும் என்று தெரிவிக்கப்பட்டுள்ளது. சர்வதேச அளவில் ஏற்பட்டுள்ள இந்த போர்ச் சூழல், கட்டுமானத் துறையில் பெரும் பாதிப்பை ஏற்படுத்தும் என்றும், இதனால் வீடு கட்டுபவர்கள் மற்றும் ஒப்பந்ததாரர்கள் கூடுதல் சுமையைச் சுமக்க நேரிடும் என்றும் அஞ்சப்படுகிறது.