“காதல் திருமணம் செய்த பெண்ணை கடத்திய கும்பல்…” நடுரோட்டில் தறிக்கெட்டு ஓடி மக்கள் மீது மோதிய கார்…! ரத்த வெள்ளத்தில் துடித்த 6 பேர்…. வைரல் வீடியோ…!!

கர்நாடக மாநிலம் பெங்களூரு அக்ரஹார தாசரஹள்ளி பகுதியில் வசித்து வந்த பூஜா மற்றும் ஓம்பிரகாஷ் ஜோடி, கடந்த 8 மாதங்களுக்கு முன்பு பெற்றோரின் எதிர்ப்பையும் மீறிக் காதல் திருமணம் செய்து கொண்டது. இந்நிலையில், பூஜாவின் குடும்பத்தினர் அனுப்பிய 4 பேர் கொண்ட கடத்தல் கும்பல், பூஜாவை திடீரென காரில் கடத்திக்கொண்டு தப்ப முயன்றது. ஹூண்டாய் வென்யூ காரில் அதிவேகமாகத் தப்பியோடிய அந்தக் கடத்தல் கும்பல், சாலையில் சென்று கொண்டிருந்த பல வாகனங்கள் மீது சராமரியாக மோதி பயங்கர விபத்தை ஏற்படுத்தியது.

இந்த கொடூர சம்பவத்தில் சாலையில் சென்ற 6 பேர் படுகாயமடைந்து ரத்த வெள்ளத்தில் மிதந்தனர். படுகாயமடைந்தவர்களில் ஒரு பெண் தலையில் பலத்த காயமடைந்து மருத்துவமனையின் தீவிர சிகிச்சைப் பிரிவில் உயிருக்குப் போராடி வருகிறார். விபத்தை ஏற்படுத்திய கடத்தல் காரையும், கடத்தலில் ஈடுபட்ட 3 பேரையும் பெங்களூரு போலிஸார் அதிரடியாகக் கைது செய்து சிறையில் அடைத்துள்ளனர். தப்பியோடிய கார் டிரைவரை போலிஸார் தீவிரமாகத் தேடி வருகின்றனர்.