அமெரிக்காவின் நியூ ஜெர்சி மாகாணத்தில் உள்ள ப்ரீஹோல்ட் டவுன்ஷிப் (Freehold Township) பகுதியில் குடிபோதையில் கார் ஓட்டி வந்த நபர் ஒருவரால் பெரும் விபத்து ஏற்பட்டுள்ளது. அந்த நபர் தனது கட்டுப்பாட்டை இழந்த நிலையில், அதிவேகமாக வந்த கார் நேராக ஒரு மழலையர் பள்ளி (Preschool) சுவரில் மோதி விபத்துக்குள்ளானது. அந்த சமயம் பள்ளியிலிருந்து தனது இரண்டு குழந்தைகளுடன் ஒரு தாய் வெளியே வந்து கொண்டிருந்தார். கண் இமைக்கும் நேரத்தில் அந்த கார் அவர்களை நோக்கி வந்ததைக் கண்டு அதிர்ச்சியடைந்த அந்த தாய், உடனடியாக குழந்தைகளை இழுத்து ஓரமாகத் தள்ளியதால் பெரும் உயிர்ச்சேதம் தவிர்க்கப்பட்டது. இருப்பினும், இந்த விபத்தில் தாயும் அந்த இரண்டு குழந்தைகளும் காயமடைந்தனர்.
NEW: Drunk driver slams into the front of a preschool in Freehold Township, New Jersey, hits a mother and her children.
68-year-old Angela Arrigo, who was reportedly picking up a child, was arrested and charged with driving while intoxicated.
The back of the car was seen… pic.twitter.com/DAlMpqeMlk
— Collin Rugg (@CollinRugg) February 18, 2026
சமூக வலைதளங்களில் வைரலாகி வரும் அந்த சிசிடிவி வீடியோவில், குழந்தைகள் தங்கள் பள்ளிப் பையுடன் தாயின் கையைப் பிடித்து வெளியே வருவதும், அந்த கார் மிக வேகமாக வந்து பள்ளியின் முன் பக்கச் சுவரை இடித்துத் தகர்ப்பதும் தெளிவாகத் தெரிகிறது. சுவரின் ஒரு பகுதி இடிந்து விழுந்ததோடு, காரின் முன்பகுதியும் பலத்த சேதமடைந்தது. காயமடைந்த தாய் மற்றும் குழந்தைகள் உடனடியாக சிகிச்சைக்காக மருத்துவமனையில் அனுமதிக்கப்பட்டனர். இந்தச் சம்பவம் அப்பகுதியில் பெரும் பரபரப்பை ஏற்படுத்தியதோடு, மது அருந்திவிட்டு வாகனம் ஓட்டுபவர்களால் அப்பாவி பொதுமக்களின் உயிருக்கு ஏற்படும் அச்சுறுத்தல் குறித்த விவாதத்தையும் சமூக வலைதளங்களில் கிளப்பியுள்ளது.