ஐயோ கொடுமையே… விளையாடச் சென்ற சிறுவன் மீது பாய்ந்த எமனின் கார்… நடுநடுங்க வைக்கும் கொடூர சம்பவம்…!!

மத்திய பிரதேச மாநிலம் கோட்மா பகுதியில் உள்ள வார்டு எண் 4-ஐச் சேர்ந்த 11 வயது சிறுவன் ஒருவன், தனது நண்பர்களுடன் விளையாடுவதற்காகப் பூங்காவிற்குச் சென்று கொண்டிருந்தான். அப்போது, எதிர்பாராத விதமாக அதிவேகமாக வந்த ஒரு சொகுசு கார் சிறுவன் மீது பயங்கரமாக மோதியது.

இந்த விபத்தில் சிறுவனின் காலில் பலத்த காயம் ஏற்பட்டது. விபத்து நடந்த உடனே அருகிலிருந்தவர்கள் சிறுவனை மீட்டு, முதலுதவி சிகிச்சைக்காக உள்ளூர் மருத்துவமனைக்குக் கொண்டு சென்றனர். அங்கு அவனுக்கு முதற்கட்ட சிகிச்சை அளிக்கப்பட்ட நிலையில், மேல் சிகிச்சைக்காகப் பிலாஸ்பூரில் உள்ள மருத்துவமனைக்கு மருத்துவர்கள் அவரைப் பரிந்துரைத்துள்ளனர்.

விபத்து நடந்த உடனேயே காரைச் ஓட்டி வந்த நபர் அங்கிருந்து தப்பிச் சென்றுவிட்டதாகச் சம்பவத்தைப் பார்த்தவர்கள் தெரிவிக்கின்றனர். மேலும், இந்த அதிர்ச்சி சம்பவம் முழுவதும் அப்பகுதியில் பொருத்தப்பட்டிருந்த சிசிடிவி கேமராவில் பதிவாகியுள்ளதாகக் கூறப்படுகிறது.