அம்மா, அப்பா இத உங்களுக்காகத்தான்…உலகக் கோப்பை மேடையில் கண்ணீர் விட்ட ஸ்டீபன் யூஸ்டாக்கியோ… காண்போரை கலங்க வைக்கும் எமோஷனல் வீடியோ…!

ஃபிஃபா உலகக் கோப்பை கால்பந்து போட்டியில் கனடா அணிக்காக வரலாற்று சிறப்புமிக்க வெற்றி கோலை அடித்த பிறகு, அந்த அணியின் நடுக்கள வீரரான ஸ்டீபன் யூஸ்டாக்கியோ தனது மறைந்த பெற்றோருக்கு கண்ணீருடன் அஞ்சலி செலுத்தினார். கடந்த ஞாயிற்றுக்கிழமை (ஜூன் 28) நடைபெற்ற விறுவிறுப்பான ஆட்டத்தில், தென்னாப்பிரிக்காவுக்கு எதிராக கூடுதல் நேரத்தில் யூஸ்டாக்கியோ இந்த அற்புதம் வாய்ந்த வெற்றி கோலை அடித்தார். இந்த வெற்றியின் மூலம் கனடா அணி, வரும் ஜூலை 4 அன்று நடைபெறவுள்ள காலிறுதிக்கு முந்தைய சுற்றுப் போட்டிக்கு (Round of 16) தகுதி பெற்றுள்ளது. அங்கு அவர்கள் மொராக்கோ அல்லது நெதர்லாந்து அணியை எதிர்கொள்ள உள்ளனர்.

இந்த வரலாற்று வெற்றிக்குப் பிறகு செய்தியாளர் சந்திப்பில் பங்கேற்ற 29 வயதான ஸ்டீபன் யூஸ்டாக்கியோவிடம், “நீங்கள் கடந்து வந்த அனைத்திற்கும் பிறகு இப்போது எப்படி உணர்கிறீர்கள்?” என்று கேள்வி எழுப்பப்பட்டது. இந்தக் கேள்வியைக் கேட்டதும் உணர்ச்சிவசப்பட்ட அவர், மைதானத்திலேயே கண்ணீர் விட்டு அழுதார். கடந்த சில ஆண்டுகளாக அவர் தனது தனிப்பட்ட வாழ்க்கையில் சந்தித்த சோகங்களே இதற்குக் காரணம். 2023 ஆம் ஆண்டில் அவரது தாயார் மூளைப் புற்றுநோயுடன் போராடி உயிரிழந்தார். அந்தத் துயரத்திலிருந்து மீள்வதற்குள், அடுத்த ஒரு வருடத்திலேயே அவரது தந்தையும் மாரடைப்பால் காலமானார். அடுத்தடுத்து பெற்றோரை இழந்த யூஸ்டாக்கியோ, அந்தப் பேரதிர்ச்சியில் இருந்து மீண்டு வந்து தற்போது இந்த சாதனையைப் படைத்துள்ளார்.

https://www.independent.co.uk/tv/sport/stephen-eustaquio-world-cup-daughter-parents-video-b3004756.html

தனது உணர்ச்சிகளைக் கட்டுப்படுத்திக் கொண்டு பேசிய யூஸ்டாக்கியோ, “நான் செய்யும் அனைத்தும் என் குடும்பத்திற்காக, என் பெற்றோருக்காக, என் காதலிக்காக, என் மகளுக்காக மற்றும் ஊரில் உள்ள என் நண்பர்களுக்காகத்தான். அனைவருக்காகவும் தான் நான் விளையாடுகிறேன்” என்று நா தழுதழுக்கக் கூறினார். சோகங்களையும் இழப்புகளையும் கடந்து, நாட்டுக்காக உலகக் கோப்பை அரங்கில் வெற்றியைத் தேடித்தந்து, அதைத் தனது பெற்றோருக்கு சமர்ப்பித்த இந்த இளம் வீரரின் நெகிழ்ச்சியான தருணம், தற்போது உலகெங்கிலும் உள்ள கால்பந்து ரசிகர்களின் இதயங்களைத் தொட்டுள்ளது.