தமிழக அரசியல் களம் தற்போது வரலாறு காணாத மாபெரும் திருப்பங்களையும், அதிரடி மாற்றங்களையும் சந்தித்து வருகிறது. நடிகர் விஜய் தமிழக முதலமைச்சராகப் பொறுப்பேற்றதைத் தொடர்ந்து, திராவிட அரசியலின் அஸ்திவாரமாக விளங்கும் அ.தி.மு.க-வில் மிகப்பெரிய சலசலப்புகளும், உட்கட்சிப் பூசல்களும் வெடித்துள்ளன. குறிப்பாக, அ.தி.மு.க-வினர் சாரை சாரையாகத் தமிழக வெற்றிக் கழகத்தில் இணைந்து வருவது எடப்பாடி பழனிசாமி தலைமையிலான அ.தி.மு.க தலைமைக்குப் பெரும் தலைவலியாக மாறியுள்ளது. இந்த அசாதாரணச் சூழலில், சமூக வலைத்தளங்களில் “சின்னம்மா ரிட்டன்ஸ்.!” மற்றும் “மீண்டும் துளிர்க்கும் இரட்டை இலை” என்ற வாசகங்களுடன் வெளியாகும் மீம்ஸ்கள், வெறும் நகைச்சுவையாகக் கடந்து போக முடியாத அளவிற்குத் தீவிரமான அரசியல் விவாதத்தைக் கிளப்பியுள்ளன.
முதலமைச்சர் விஜய் தலைமையிலான த.வெ.க-விற்கு மறைமுக ஆதரவளித்ததாகக் கூறி, அ.தி.மு.க-வின் மூத்த தூண்களான எஸ்.பி. வேலுமணி, சி.வி. சண்முகம், பி. தங்கமணி மற்றும் நத்தம் விசுவநாதன் ஆகியோரின் கட்சிப் பதவிகளைப் பொதுச்செயலாளர் எடப்பாடி பழனிசாமி அண்மையில் பறித்தார். இது கட்சிக்குள் பெரும் அதிருப்தி அலையை உருவாக்கியுள்ள நிலையில், முன்னாள் அமைச்சர்கள் சி. விஜயபாஸ்கர் மற்றும் எம்.ஆர். விஜயபாஸ்கர் ஆகியோர் தங்களது சட்டமன்ற உறுப்பினர் (MLA) பதவிகளையும், அ.தி.மு.க-வையும் விட்டு விலகியது தலைமைக்கு விழுந்த பலத்த அடியாகும். த.வெ.க-வுடன் கூட்டணி அமைக்க எடப்பாடி பழனிசாமி மறுத்ததே தங்களது விலகலுக்குக் காரணம் என்று அவர்கள் வெளிப்படையாகக் குற்றம் சாட்டியுள்ளதால், சட்டமன்றத்தில் அ.தி.மு.க-வின் பலம் 41 ஆகக் குறைந்துள்ளதுடன், தமிழ்நாட்டில் 7 தொகுதிகளுக்கான இடைத்தேர்தல் களமும் உருவாகியுள்ளது.
பதவி பறிக்கப்பட்ட நிலையிலும், அ.தி.மு.க-வின் கொங்கு மண்டல மற்றும் வட மாவட்டப் பலமாக விளங்கும் தங்கமணி, வேலுமணி மற்றும் சி.வி. சண்முகம் ஆகியோர் எடப்பாடி பழனிசாமிக்கு எதிராகத் தீவிரமான போர்க்கொடியைத் தூக்கியுள்ளனர். “கட்சியைக் காப்பாற்ற வேண்டுமானால் பிரிந்தவர்கள் அனைவரும் ஒன்றுபட வேண்டும்; தேவைப்பட்டால் பொதுச்செயலாளர் பதவியில் மாற்றம் கொண்டு வர வேண்டும்” என்ற ரீதியில் சி.வி. சண்முகம் உள்ளிட்ட தலைவர்கள் போர்க்குரல் எழுப்பி வருகின்றனர். ஒற்றைத் தலைமை என்ற பிடிவாதத்தால் கட்சி தொடர்ந்து பலவீனமடைந்து வருவதை உணர்ந்தே இந்த மூத்த தலைவர்கள் இத்தகைய முடிவுக்கு வந்துள்ளதாக அரசியல் விமர்சகர்கள் கருதுகின்றனர். அதிலும் குறிப்பாக, சி.வி. சண்முகம் மீண்டும் ‘சின்னம்மா’ கோஷம் போட தொடங்கி இருப்பது அ.தி.மு.க-வினரை ஆழமாக யோசிக்க வைத்துள்ளது.
இந்த ஒட்டுமொத்த அரசியல் புயலுக்கு மத்தியில், கட்சியைக் கைவிட்டுப் போகாமல் தக்கவைக்கவும், தொண்டர்கள் த.வெ.க-விற்கு மாறுவதைத் தடுக்கவும் எடப்பாடி பழனிசாமி ஒரு அதிரடி முடிவை எடுக்க உள்ளதாகக் கூறப்படும் தகவல் தான் தற்போதைய ஹாட் டாபிக். தன்னை அரசியல் ரீதியாக உயர்த்திய ‘சின்னம்மா’ சசிகலாவை, எடப்பாடி பழனிசாமி நேரில் சந்திக்கத் திட்டமிட்டுள்ளதாக நம்பத்தகுந்த வட்டாரங்கள் தெரிவிக்கின்றன. சசிகலாவும் எடப்பாடியும் கரம் கோர்த்து, பிரிந்து கிடக்கும் அ.தி.மு.க-வின் வாக்கு வங்கிகளை ஒன்றிணைத்தால் மட்டுமே சரிந்து வரும் அ.தி.மு.க-வைக் காப்பாற்ற முடியும் என்பதே தற்போதைய யதார்த்தம் என தொண்டர்கள் நம்புகின்றனர். “இரட்டை இலை” மீண்டும் துளிர்க்குமா அல்லது த.வெ.க-வின் அலையில் அடித்துச் செல்லப்படுமா என்பதை இ.பி.எஸ்-சின் அடுத்தகட்ட நகர்வுகளே தீர்மானிக்கும்!
தமிழக வெற்றிக் கழகத்தின் முன்னாள் நிர்வாகி நாகை பூபாலன் கைதான விவகாரத்தில், சர்வதேச அளவில் இயங்கும் மாபெரும் போதைப்பொருள் கடத்தல்…
உத்தரபிரதேச மாநிலம் கன்னோஜ் மாவட்டத்திற்குட்பட்ட ஜகத்பூர் பகுதியைச் சேர்ந்த சுக்பீர் சிங் என்பவர் அரியானாவில் பணியாற்றி வந்தார். 11 ஆண்டுகளுக்கு…
தமிழகத்தைச் சேர்ந்த தொழிலதிபர் ஆனந்த், பெங்களூரு எலகங்கா பகுதியில் தனது குடும்பத்துடன் வசித்துக்கொண்டு மக்காச்சோள இயந்திரங்கள் தயாரிக்கும் தொழில் செய்து…
உத்தரப் பிரதேச மாநிலத்தில் பணி நிமித்தமாகக் காவலாளி ஒருவர் இருசக்கர வாகனத்தில் சென்றபோது, அதிவேகமாக வந்த லாரி மோதிப் பரிதாபமாக…
சென்னை நீலாங்கரை, கபாலீஸ்வரர் நகர் தெற்கு 4-வது மெயின் ரோடு பகுதியில், பிறந்து சில மணி நேரங்களே ஆன பச்சிளம்…
வடகொரியா தனது வான் எல்லை பாதுகாப்பை மேலும் பலப்படுத்தும் நோக்கில், மனித உதவியின்றி இலக்குகளைத் தானாகவே துல்லியமாகக் கண்டறிந்து தாக்கும்…