ஜனநாயகன் படத்தை முடித்த கையோடு அரசியல் சுற்றுப்பயணம் புறப்படும் விஜய்… பல லட்சம் மதிப்பில் பிரம்மாண்டமாக தயாராகும் பிரச்சார வாகனம்..!

தமிழ் சினிமாவில் முன்னணி நடிகராக கொடிகட்டி பறந்து கொண்டிருப்பவர் தான் நடிகர் விஜய். இவருடைய நடிப்பில் இறுதியாக வெளியான கோட் திரைப்படம் ரசிகர்கள் மத்தியில் நல்ல வரவேற்பை பெற்றது. தற்போது தன்னுடைய 69 ஆவது திரைப்படமான ஜனநாயகன் திரைப்படத்தில் விஜய் நடித்து வருகிறார். ஹெச். வினோத் இயக்கும் இந்த திரைப்படத்தில் விஜய்க்கு ஜோடியாக பூஜா ஹெக்டே நடிக்கின்றார். இந்த திரைப்படத்தில் நடிக்க விஜய் 275 கோடி சம்பளம் வாங்க உள்ளதாக கூறப்படுகிறது. சினிமாவில் உச்சத்தில் இருக்கும்போது தன்னுடைய சினிமா வாழ்க்கையை உதறிவிட்டு விஜய் அரசியலுக்கு வர உள்ளதாக அதிகாரப்பூர்வமாக அறிவித்தார். மேலும் அவருடைய கடைசி படம் ஜனநாயகன் என்று அறிவிப்பும் வெளிவந்தது.

இந்த திரைப்படத்தில் பாபி தியோல், பிரகாஷ்ராஜ் உள்ளிட்ட முக்கிய பிரபலங்கள் பலரும் நடித்து வருகின்றனர். அனிருத் இசையமைத்து வரும் இப்ப படத்தின் படப்பிடிப்பு கடந்த ஆண்டு தொடங்கப்பட்ட நிலையில் மார்ச் மாதம் முடிவுக்கு வரும் என கூறப்பட்டது. ஆனால் விஜய் தற்போது அரசியலிலும் பிசியாக இருப்பதால் மாதத்தில் 15 நாட்கள் மட்டுமே ஷூட்டிங் செல்கிறாராம். இரண்டு பாடல்கள் மட்டுமே எடுக்கப்பட்டுள்ள நிலையில் இன்னும் படத்தில் மூன்று பாடல்களும் சண்டைக் காட்சிகளும் படமாக்கப்பட உள்ளது.

இதனால் ஜூன் மாதம் தான் படப்பிடிப்பு முழுவதுமாக முடியும் என கூறப்படுகிறது. ஜூன் மாதத்திற்கு பிறகு விஜய் தீவிர அரசியலில் ஈடுபட உள்ளார். இதனிடையே விஜய்க்கு பிரச்சார வாகனமாக அர்பானியா என்ற வான் ஒன்றை சுமார் 35 லட்சம் மதிப்பில் வாங்க உள்ளனர். விஜய் ஓய்வு எடுக்க மட்டுமல்லாமல் அந்த வாகனத்தில் பல வசதிகளும் நிறைந்துள்ளதாக கூறப்படுகிறது. இந்த தகவலை சமீபத்தில் வலைப்பேச்சு குழுவினர் தெரிவித்துள்ளனர்.