CINEMA
GOAT படத்தில் விஜய்க்கு தங்கையாக நடிக்கும் பிரபலத்தின் மகள்.. யார் இந்த அபுயுக்தா மணிகண்டன்?..
தளபதி விஜய் அவர்களுக்கு சிறுவயதில் இருந்தே தங்கை என்றாலே அவருக்கு மிகவும் பிடிக்கும், ஆதலால் தன் ரசிகர் மக்களையே தனக்கு தங்கையாக ஏற்றுக் கொண்டார், அதன்படி பல பல படங்களில் அவருக்கு தங்கை கதாபாத்திரத்தை மிக ஆழமாக வைத்து தன் பாசத்தை வெளிப்படுத்தி இருப்பார். நடிகர் விஜய் சிறு வயதிலேயே தனது தங்கை வித்யாவை இழந்து விட்டார். கில்லி படத்தில் அரிசி மூட்டை புவனா என ஒரு தங்கை கேரக்டரை இயக்குநர் வைத்து விஜய்யை கண் கலங்க வைத்து விட்டார்.
அதன் பின்னர் திருப்பாச்சி, வேலாயுதம் என பல படங்களில் விஜய்க்கு ஒரு தங்கச்சி கேரக்டரை இயக்குநர்கள் வைத்து படத்தை இயக்கும் வாய்ப்புகளை பெற்று விட்டார்கள் என்றே சொல்லலாம். கடைசியாக லியோ படத்திலும் நடிகர் விஜய்க்கு மடோனா செபாஸ்டியனை தங்கையாக லோகேஷ் கனகராஜ் நடிக்க வைத்திருப்பார்.
அப்பாவால் தங்கை இறந்து விட்டார் எனக் காட்டியது எஸ்.ஏ. சந்திரசேகருக்கு பிடிக்காமல் போய் அவர் கடுமையாக விமர்சித்ததற்கு அதுவும் ஒரு காரணம் என்கின்றனர். ஆனால், அதுதான் விஜய்யை லைக் செய்ய வைத்தது என்றும் கூறுகின்றனர்.
இந்நிலையில், வெங்கட் பிரபுவுக்கும் விஜய்க்கு ஒரு தங்கை கதாபாத்திரத்தை தரமாக இறக்கி இருக்கிறாராம். விஜய் அப்பா மற்றும் மகன் என இரு ரோல்களில் நடித்து வருகிறார். மகன் விஜய்க்கு தங்கையாக ஒளிப்பதிவாளர் மணிகண்டனின் மகள் அபியுக்தா நடித்து வருகிறார் என்கிற தகவல் தற்போது கசிந்துள்ளது. இதுவரை 15 நாட்களுக்கு மேல் விஜய்யுடன் காம்பினேஷன் சூட்டிங்கில் அவரும் நடித்துள்ளாராம். படத்தில் அவருக்கு மிகவும் முக்கியமான கதாபாத்திரம் எனக் கூறப்படுகிறது. மாடல் அழகியாகவும் சிறந்த பரதநாட்டிய கலைஞருமான அபியுக்தாவை தி கிரேட்டஸ்ட் ஆஃப் ஆல் டைம் படத்தில் வெங்கட் பிரபு போட்டுத்தள்ளாமல் இருக்கணும்.
View this post on Instagram
