கோவை அருகே வடவள்ளியில் இரவு நேரத்தில் நிறுத்தப்பட்டிருந்த தனியார் மினி பேருந்து ஒன்றிற்குள், காதல் ஜோடி ஒன்று அத்துமீறி நுழைந்து உல்லாசத்தில் ஈடுபட்ட விசித்திரமான சம்பவம் அப்பகுதியில் பெரும் பரபரப்பை ஏற்படுத்தியுள்ளது . பேருந்துக்குள் பொருத்தப்பட்டிருந்த சிசிடிவி (CCTV) கண்காணிப்பு கேமராவை அந்த இளைஞர் தந்திரமாக வேறு திசைக்கு திருப்பியுள்ளார் . அதன் பின்னர், இருவரும் பேருந்தின் உள்ளே துணி ஒன்றை விரித்துப் படுத்துக் கொண்டதாகக் கூறப்படுகிறது
மறுநாள் காலையில் பணிக்கு வந்த பேருந்து ஊழியர்கள், கேமராக்கள் மாற்றித் திருப்பப்பட்டிருந்ததைக் கண்டு சந்தேகமடைந்து சிசிடிவி காட்சிகளை விரிவாக ஆய்வு செய்தபோதுதான் இந்த அதிர்ச்சிச் சம்பவம் வெளிச்சத்திற்கு வந்தது . இந்தச் சம்பவத்தில் ஈடுபட்ட காதல் ஜோடி யார், அவர்கள் எந்தப் பகுதியைச் சேர்ந்தவர்கள் என்பது குறித்த எந்தவொரு அதிகாரப்பூர்வத் தகவலும் இதுவரை வெளியாகவில்லை . இது குறித்துப் பேருந்து உரிமையாளர்கள் தரப்பில் வடவள்ளி காவல் நிலையத்தில் ஏதேனும் புகார் அளிக்கப்பட்டுள்ளதா அல்லது காவல்துறையினர் தானாக முன்வந்து விசாரணை நடத்துகிறார்களா என்பது பற்றிய விவரங்கள் இனிமேல்தான் தெரியவரும்.