திக்… திக்… திக்… நிலத்தகராறில் வெடித்த கொடூரம்… நடுரோட்டில் குண்டுவீசி, துப்பாக்கிச் சூடு நடத்திய முகமூடி கும்பல்… குலை நடுங்கவைக்கும் பகீர் சம்பவம்…!

பீகார் மாநிலம் கயாவில் உள்ள சந்தௌதி காவல் நிலைய எல்லைக்குட்பட்ட காந்தி நகர் பகுதியில், நிலத்தகராறு காரணமாக பெரும் கலவரம் ஏற்பட்டுள்ளது. முகமூடி அணிந்த டஜன் கணக்கான சமூக விரோதிகள் அப்பகுதிக்குள் புகுந்து வீடுகள் மீது சரமாரியாக கல்வீசித் தாக்குதல் நடத்தியுள்ளனர். மேலும், பயங்கரமான குண்டுகளை வீசி வெடிக்கச் செய்ததுடன், துப்பாக்கிச் சூடும் நடத்தி அப்பகுதியையே ரணகளமாக்கியுள்ளனர்.

இந்த திடீர் வன்முறையால் காந்தி நகர் பகுதியில் வசிக்கும் மக்கள் கடும் அதிர்ச்சியும் பீதியும் அடைந்துள்ளனர். உயிரைக் காப்பாற்றிக் கொள்ள பொதுமக்கள் வீடுகளுக்குள் பூட்டிக்கொண்ட நிலையில், குற்றவாளிகள் தொடர்ந்து வீடுகளின் மீது தாக்குதல் நடத்தி சேதப்படுத்தியுள்ளனர். இச்சம்பவம் குறித்துத் தகவல் அறிந்ததும் சம்பவ இடத்திற்கு விரைந்து வந்த காவல் துறையினர், தீவிர விசாரணை மேற்கொண்டு வருகின்றனர்.

https://twitter.com/NBTBihar/status/2114244312892649756/video/1

வன்முறை நடந்த இடத்தில் பொருத்தப்பட்டிருந்த சிசிடிவி கேமராக்களில், முகமூடி அணிந்த நபர்கள் குண்டுகளை வீசுவதும் துப்பாக்கியால் சுடுவதும் பதிவாகியுள்ளது. தற்போது இந்த சிசிடிவி காட்சிகள் சமூக வலைதளங்களில் வெளியாகி பெரும் பரபரப்பை ஏற்படுத்தியுள்ளன. இக்காட்சிகளின் அடிப்படையில் வன்முறையில் ஈடுபட்ட குற்றவாளிகளை அடையாளம் கண்டு கைது செய்யும் நடவடிக்கையில் காவல் துறையினர் தீவிரமாக ஈடுபட்டு வருகின்றனர்.