திக் திக் திக்… பள்ளி முடிந்து திரும்பியபோது அதிர்ச்சி… 12ஆம் வகுப்பு மாணவன் கத்திக்குத்துக் கொடூரம்… டெல்லியில் அரங்கேறிய பகீர் சம்பவம்…!

மேற்கு டெல்லியின் மோகன் கார்டன் பகுதியில் உள்ள அரசுப் பள்ளிக்கு வெளியே புதன்கிழமை மாலை பள்ளி நேரம் முடிந்தவுடன், மர்ம நபர்கள் கும்பல் நடத்திய கொடூரத் தாக்குதலில் 17 வயதுடைய பன்னிரண்டாம் வகுப்பு மாணவன் ஒருவன் கத்தியால் குத்திக் கொல்லப்பட்டான். அவனுடன் இருந்த மற்றொரு மாணவனும் அந்த கும்பலால் கடுமையாகத் தாக்கப்பட்டு காயமடைந்தான். இந்தச் சம்பவம் அப்பகுதியில் பெரும் அதிர்ச்சியையும் பதற்றத்தையும் ஏற்படுத்தியுள்ளது.

இந்தச் சம்பவம் குறித்துத் தகவல் அறிந்ததும் உடனடியாக விரைந்து வந்த காவல்துறையினர், உயிரிழந்த மாணவனின் உடலைக் கைப்பற்றி பிரேதப் பரிசோதனைக்காக மருத்துவமனைக்கு அனுப்பி வைத்தனர். மேலும், காயமடைந்த மற்றொரு மாணவனுக்கு உரிய சிகிச்சை அளிக்கப்பட்டு வருகிறது. முதற்கட்ட விசாரணையின் அடிப்படையில், இத்தாக்குதலில் தொடர்புடையதாகக் சந்தேகிக்கப்படும் இரண்டு சிறுவர்களைக் காவல்துறையினர் பிடித்து விசாரணை நடத்தி வருகின்றனர்.

பள்ளி வளாகத்திற்கு வெளியே பட்டப்பகலில் நடந்த இந்த படுகொலை சம்பவம் அப்பகுதி மக்களையும் மாணவர்களின் பெற்றோர்களையும் பீதியில் ஆழ்த்தியுள்ளது. பள்ளி மாணவர்களின் பாதுகாப்பு கேள்விக்குறியாகியுள்ள நிலையில், இந்த மோதலுக்கான உண்மையான காரணம் என்ன என்பது குறித்துக் காவல்துறையினர் தீவிரமாக விசாரித்து வருகின்றனர். தலைமறைவாக உள்ள மற்ற குற்றவாளிகளையும் விரைவில் கைது செய்யத் தனிப்படை அமைக்கப்பட்டுள்ளது.