“ஐயோ கொடுமையே… சாமி சிலைகளையே உடைச்சிட்டாங்களா?… கோவிலில் மர்ம நபர்கள் கொடூரத் தாக்குதல்… கிராம மக்கள் கடும் கொந்தளிப்பு…!”

பெலகாவி மாவட்டம் கானாப்பூர் தாலுகாவிற்கு உட்பட்ட நிட்கல் கிராமத்தின் எல்லையில் உள்ள குன்றின் மீது சித்தேஸ்வரா கோவில் அமைந்துள்ளது. இக்கோவிலில் உள்ள புனித அமைப்புகள் ‘சித்தகுண்டா’ என்று அழைக்கப்படுவதோடு, நிட்கல் கிராமத்தின் காவல் தெய்வமாகவும் வழிபடப்பட்டு வருகின்றன. வரலாற்று சிறப்புமிக்க இந்த ஆலயம் ஆன்மீக தலமாகவும், சுற்றுலாப் பயணிகளை ஈர்க்கும் இடமாகவும் திகழ்ந்து வருகிறது.

சமீபத்தில் இக்கோவில் வளாகத்திற்குள் புகுந்த அடையாளம் தெரியாத நபர்கள், அங்கிருந்த சிவலிங்கம், நந்தி சிலை, ஆமை வடிவம் மற்றும் கோவிலின் முன் அமைந்திருந்த பிருந்தாவனம் உள்ளிட்ட பல புனித அமைப்புகளை அடித்து சேதப்படுத்தியுள்ளனர். இந்தத் தாக்குதல் சம்பவம் அப்பகுதி மக்கள் மற்றும் இந்து அமைப்புகளிடையே கடும் கோபத்தையும் கொந்தளிப்பையும் ஏற்படுத்தியுள்ளது.

https://twitter.com/HateDetectors/status/2086785886155317717/video/1

இச்சம்பவத்தையடுத்து, கிராம மக்கள் ஒன்றுதிரண்டு கானாப்பூர் காவல் நிலையத்தில் புகார் அளித்துள்ளனர். புனித அமைப்புகளை சேதப்படுத்திய குற்றவாளிகளை உடனடியாகக் கண்டறிந்து கைது செய்ய வேண்டும் என்றும், எதிர்காலத்தில் இதுபோன்ற அசம்பாவிதங்கள் நிகழாமல் தடுக்க கோவில் வளாகத்திற்குத் தகுந்த போலீஸ் பாதுகாப்பு வழங்க வேண்டும் என்றும் அவர்கள் நிர்வாகத்தை வலியுறுத்தியுள்ளனர். இப்புகாரின் பேரில் காவல்துறையினர் வழக்குப் பதிவு செய்து விசாரணை நடத்தி வருகின்றனர்.