டிவிகே எம்.எல்.ஏ-க்களிடம் குதிரை பேரம் நடத்தியதாகத் தொடரப்பட்ட வழக்கில், கடந்த சில நாட்களாகத் தலைமறைவாக இருந்ததாகக் கூறப்பட்ட செந்தில் பாலாஜி, இன்று சென்னை திருவல்லிக்கேணி காவல் நிலையத்தில் நேரில் ஆஜராக உள்ளதாகத் தகவல்கள் வெளியாகியுள்ளன.
இந்த வழக்கில் ஏற்கனவே முன்ஜாமீன் பெற்றுள்ள அவர், உயர் நீதிமன்ற உத்தரவின்படி இன்று முதல் நாள்தோறும் காலை மற்றும் மாலை என இருவேளையும் காவல் நிலையத்தில் நேரில் ஆஜராகிக் கையெழுத்திட வேண்டும் என்பது குறிப்பிடத்தக்கது. செந்தில் பாலாஜியின் வருகையை முன்னிட்டு அசம்பாவிதங்கள் ஏதும் ஏற்படாமல் தவிர்க்கவும், பாதுகாப்பை உறுதி செய்யவும் திருவல்லிக்கேணி காவல் நிலைய வளாகத்தில் ஏராளமான போலீசார் குவிக்கப்பட்டு, பாதுகாப்பு பலப்படுத்தப்பட்டுள்ளதால் அப்பகுதியில் பெரும் பரபரப்பான சூழல் நிலவி வருகிறது.