தமிழக சட்டப்பேரவைத் தேர்தல் நெருங்கி வரும் வேளையில், திமுக மற்றும் காங்கிரஸ் இடையிலான உறவில் விரிசல் ஏற்பட்டுள்ளதாகப் பரவிய வதந்திகளுக்குத் தமிழ்நாடு காங்கிரஸ் கமிட்டித் தலைவர் செல்வப்பெருந்தகை முற்றுப்புள்ளி வைத்துள்ளார்.
மேலும் முதலமைச்சர் மு.க. ஸ்டாலினின் பிறந்தநாளுக்கு ராகுல் காந்தி வாழ்த்து தெரிவிக்கவில்லை என்று வெளியான செய்திகள் தவறானவை என்று குறிப்பிட்ட அவர், ராகுல் காந்தி தொலைபேசி வாயிலாக முதலமைச்சரைத் தொடர்பு கொண்டு தனது வாழ்த்துகளைப் பகிர்ந்து கொண்டதாகத் தெரிவித்தார். இதன் மூலம் இரு தலைவர்களுக்கும் இடையே சுமுகமான உறவு நீடிப்பதை அவர் உறுதிப்படுத்தியுள்ளார்.
மேலும், தேர்தல் கூட்டணி குறித்த முக்கியத் தகவல்களைப் பகிர்ந்து கொண்ட செல்வப்பெருந்தகை, தமிழ்நாட்டில் திமுக தலைமையிலான கூட்டணி தொடர்வதைப் போலவே, புதுச்சேரியில் காங்கிரஸ் கட்சியே கூட்டணிக்குத் தலைமை தாங்கும் என்பதில் எந்த மாற்றுக் கருத்தும் இல்லை என்று திட்டவட்டமாகக் கூறினார்.
இந்நிலையில் தொகுதிப் பங்கீடு மற்றும் கூட்டணிப் பேச்சுவார்த்தைகள் சுமூகமாக முடிந்துள்ள நிலையில், மதச்சார்பற்ற கூட்டணிக் கட்சிகள் அனைத்தும் மிகுந்த உற்சாகத்துடன் தேர்தலை எதிர்கொள்ளத் தயாராகி வருவதாகவும் அவர் ராயப்பேட்டையில் நடைபெற்ற ஆலோசனைக் கூட்டத்திற்குப் பின் செய்தியாளர்களிடம் தெரிவித்தார்.