“மேட்ச் நடுவுல மல்லுக்கட்டு” காதலியிடம் புரொபோஸ் செய்யும்போது மோதிரத்தைத் தொலைத்த ரசிகர்… கடைசியில் காத்திருந்த டுவிஸ்ட்… வைரலாகும் வீடியோ இதோ..!!

மும்பை இந்தியன்ஸ் (MI) மற்றும் கொல்கத்தா நைட் ரைடர்ஸ் (KKR) அணிகளுக்கு இடையிலான விறுவிறுப்பான ஆட்டம் மார்ச் 29 அன்று நடைபெற்றது. அப்போது மைதானத்தில் இருந்த மும்பை இந்தியன்ஸ் ரசிகர் ஒருவர், கொல்கத்தா அணிக்கு ஆதரவாக ஜெர்சி அணிந்திருந்த தனது காதலியிடம் திருமண விருப்பத்தைக் கேட்க முடிவு செய்தார். இதற்காக அவர் முட்டியிட்டு அமர்ந்து மோதிரத்தை நீட்டியபோது, எதிர்பாராதவிதமாக மோதிரம் அவரது கையில் இருந்து நழுவி கீழே விழுந்தது.

திடீரென மோதிரம் காணாமல் போனதால் அதிர்ச்சியடைந்த அந்த இளைஞர், பதற்றத்துடன் இருக்கைகளுக்கு அடியில் தேடத் தொடங்கினார். இதைக் கண்ட அங்கிருந்த மற்ற ரசிகர்களும், கேமரா குழுவினரும் அவருக்கு உதவ முன்வந்தனர். சில நொடிகள் நீடித்த இந்தத் திக் திக் தேடலுக்குப் பிறகு, ஒரு வழியாக மோதிரம் கண்டுபிடிக்கப்பட்டது. இதனால் மைதானத்தில் ஒரு சிறிய பரபரப்பு நிலவியதுடன், சுற்றியிருந்தவர்கள் இந்த வேடிக்கையான தருணத்தைக் கண்டு சிரித்தனர்.

மீண்டும் ஒருமுறை முட்டியிட்டு அவர் தனது காதலைத் தெரிவிக்க, அந்தப் பெண் மகிழ்ச்சியுடன் “யெஸ்” (Yes) என்று கூறி மோதிரத்தை அணிந்துகொண்டார். இருவரும் ஒருவரையொருவர் கட்டியணைத்துத் தங்களது மகிழ்ச்சியைப் பகிர்ந்து கொண்டனர். இந்த 24 வினாடி வீடியோவை கொல்கத்தா நைட் ரைடர்ஸ் அணி தனது அதிகாரப்பூர்வ சமூக வலைதளப் பக்கத்தில் பகிர்ந்துள்ளது. “முதல் காதல் உணர்வு” என்ற தலைப்புடன் பகிரப்பட்ட இந்த வீடியோ, தற்போது கிரிக்கெட் ரசிகர்களிடையே பெரும் வரவேற்பைப் பெற்றுள்ளது.