உத்தரப் பிரதேசத்தில் விளையாடிக் கொண்டிருந்த 6 வயது சிறுவன் அஸ்ஜத், கட்டுப்பாட்டை இழந்த ஒரு வண்டிக்கு இடையே தலை மற்றும் கழுத்து மாட்டிக்கொண்டு பரிதாபமாக உயிரிழந்தான். சந்து ஒன்றில் நண்பர்களுடன் விளையாடிக் கொண்டிருந்தபோது இந்த விபத்து நேர்ந்துள்ளது. இதைக் கண்ட அண்டை வீட்டாரும் அப்பகுதி மக்களும் உடனடியாக ஓடிவந்து சிறுவனை மீட்டு, அவசர அவசரமாக வாகனத்தில் ஏற்றி மருத்துவமனைக்குக் கொண்டு செல்ல முயன்றனர்.
இருப்பினும், அந்த கிராமப்புறப் பகுதியில் அருகில் தகுந்த மருத்துவமனைகள் எதுவும் இல்லாததால், மாவானாவில் உள்ள மருத்துவமனைக்குச் செல்லும் வழியிலேயே அச்சிறுவன் தன் தந்தையின் மடியிலேயே துடிதுடித்து, ரத்தம் வழிந்து பரிதாபமாக உயிரிழந்தான். இந்த சோகமான சம்பவம் அப்பகுதியில் பெரும் சோகத்தையும் அதிர்ச்சியையும் ஏற்படுத்தியதோடு, தங்கள் கிராமப்புறப் பகுதிகளில் அவசர மருத்துவத் தேவைகளுக்குத் தகுந்த மருத்துவ வசதிகளை உடனடியாக அரசு ஏற்படுத்தித் தர வேண்டும் என்ற கோரிக்கையையும் சிறுவனின் குடும்பத்தினரும் பொதுமக்களும் வலுவாக முன்வைத்துள்ளனர்.