பொது இடத்துல ரஜினி பேண்டை கழட்டிட்டாரு… பார்த்துட்டு செருப்பால அடிச்ச மாதிரி இருந்துச்சு… உண்மையை உடைத்த போஸ் வெங்கட் ..!!

சமீபத்தில் தமிழ் சினிமாவின் பிரபல நடிகரும் இயக்குநருமான போஸ் வெங்கட், சூப்பர் ஸ்டார் ரஜினிகாந்த் குறித்துத் தான் நெகிழ்ந்துபோன ஒரு முக்கிய சம்பவத்தைப் பகிர்ந்துள்ளார். பிரம்மாண்ட இயக்குனர் ஷங்கர் இயக்கத்தில் வெளியான ‘சிவாஜி’ திரைப்படத்தில் ரஜினிகாந்துடன் இணைந்து நடித்தபோது, படப்பிடிப்புத் தளத்தில் நடந்த ஒரு சுவாரசியமான நிகழ்வை அவர் நினைவுகூர்ந்துள்ளார்.

அந்தத் திரைப்படத்தின் படப்பிடிப்பின் போது, தனக்கு ஏற்பட்ட ஒரு அனுபவம் குறித்துப் பேசிய போஸ் வெங்கட், “சிவாஜி படத்திற்காக நான் வாய்ப்பு தேடி அலைந்து, ஒருவழியாகப் படப்பிடிப்பில் பங்கேற்றேன். அப்போது ஒரு காட்சிக்காக உடை மாற்றிக் கொள்ளுமாறு பொது இடத்தில் வைத்தே என்னிடம் கொடுத்தார்கள். ஆனால், அங்கு உடை மாற்றிக் கொள்வதற்கு மறைவான இடம் எதுவுமே இல்லை” என்று குறிப்பிட்டுள்ளார். உடனே அவர் அங்கிருந்த காஸ்ட்யூமரிடம், “என்ன சார், மறைவாக ஏதேனும் ஒரு இடம் கொடுங்கள், எப்படி இங்கே மாற்றுவது?” என்று கேட்டுள்ளார். அதற்கு அந்த காஸ்ட்யூமரோ, “சார், அங்கே ஷாட் எடுக்கத் தயாராக இருக்கிறார்கள், சீக்கிரம் மாற்றிக் கொள்ளுங்கள் சார்” என்று அவசரப்படுத்தியுள்ளார்.

பொது இடத்தில் உடை மாற்றத் தயங்கி நின்ற போஸ் வெங்கட், சற்றுத் திரும்பிப் பார்த்தபோது அங்கு கண்ட காட்சி அவரை அப்படியே உரைய வைத்துள்ளது. “நான் திரும்பிப் பார்த்தால், அங்கே ஒட்டுமொத்தப் பொது மக்கள் கூட்டத்திற்கு மத்தியிலும், ரஜினி சார் எவ்விதத் தயக்கமும் இன்றித் தனது பேண்ட்டைக் கழற்றி உடை மாற்றிக் கொண்டிருந்தார். அதைப் பார்த்ததும் என்னை யாரோ செருப்பால் அடித்தது போல் இருந்தது” என்று போஸ் வெங்கட் தெரிவித்துள்ளார். இவ்வளவு பெரிய உச்ச நட்சத்திரமாக இருந்தும் ரஜினிகாந்த் காட்டிய அந்த எளிமையும், அர்ப்பணிப்பும் தனக்குப் பெரிய பாடமாக அமைந்தது என்று அவர் நெகிழ்ச்சியுடன் பகிர்ந்துள்ளார்.