Categories: அரசியல்தமிழ்நாடுலேட்டஸ்ட் நியூஸ்

அண்ணாமலை அவுட்?.. “மயிலாப்பூரில் தமிழிசை.. சாத்தூரில் நயினார்”… பாஜகவின் 27 வேட்பாளர்கள் இவர்கள்தானா?… வெளியான உத்தேச பட்டியல்…!

Spread the love

தமிழக சட்டமன்றத் தேர்தல் களம் சூடுபிடிக்கத் தொடங்கியுள்ள நிலையில், அதிமுக கூட்டணியில் பாஜகவிற்கு 27 தொகுதிகள் ஒதுக்கப்பட்டுள்ளன. கடந்த முறை வெற்றி பெற்ற நான்கு தொகுதிகளில் இரண்டு தொகுதிகள் மட்டுமே தற்போது மீண்டும் வழங்கப்பட்டுள்ள நிலையில், சென்னை மற்றும் கோவையில் தலா ஒரு தொகுதி மட்டுமே பாஜகவிற்கு கிடைத்துள்ளது. குறிப்பாக, சென்னையில் கடந்த முறை இரண்டு இடங்களில் போட்டியிட்ட நிலையில், இந்த முறை மயிலாப்பூர் தொகுதி மட்டுமே ஒதுக்கப்பட்டுள்ளது. அங்கு முன்னாள் ஆளுநர் தமிழிசை சவுந்தரராஜன் போட்டியிட வாய்ப்புள்ளதாகக் கூறப்படுகிறது.

வெளியாகியுள்ள உத்தேச வேட்பாளர் பட்டியலில் பாஜக மாநிலத் தலைவர் அண்ணாமலையின் பெயர் இடம் பெறாதது அரசியல் வட்டாரத்தில் பெரும் சலசலப்பை ஏற்படுத்தியுள்ளது. அவர் இந்தத் தேர்தலில் போட்டியிடவில்லை என்று கூறப்படும் நிலையில், கோவையில் வானதி சீனிவாசன் இந்த முறை கோவை தெற்கு தொகுதிக்குப் பதில் கோவை வடக்கில் களமிறங்க உள்ளதாகத் தெரிகிறது. மேலும், மத்திய அமைச்சர் எல். முருகன் அவினாசி தனி தொகுதியிலும், நயினார் நாகேந்திரன் திருநெல்வேலிக்கு பதிலாக சாத்தூர் தொகுதியிலும் போட்டியிட உள்ளதாகத் தகவல்கள் கசிந்துள்ளன.

வேட்பாளர் தேர்வு குறித்த ஆலோசனைக் கூட்டம் சென்னை கமலாலயத்தில் மேலிடப் பொறுப்பாளர் அரவிந்த் மேனன் தலைமையில் நடைபெற்றது. இதில் நயினார் நாகேந்திரன் உள்ளிட்ட முக்கிய நிர்வாகிகள் பங்கேற்ற நிலையில், அண்ணாமலை இந்தக் கூட்டத்தில் கலந்து கொள்ளாதது பல்வேறு விவாதங்களைக் கிளப்பியுள்ளது. தொகுதிப் பங்கீடு மற்றும் இடமாற்றம் தொடர்பாக அண்ணாமலை அதிருப்தியில் இருப்பதாக ஒருபுறம் பேசப்பட்டாலும், தேர்தல் வியூகங்களின் ஒரு பகுதியாகவே இந்த மாற்றங்கள் பார்க்கப்படுகின்றன.

பாஜக வேட்பாளர்கள் – உத்தேச பட்டியல்

அமர்பிரசாத் ரெட்டி – தளி

மொடக்குறிச்சி – கிருத்திகா சிவகுமார் அல்லது காயத்ரி

எல். முருகன் – அவிநாசி ஏ

.பி. முருகானந்தம் – திருப்பூர் தெற்கு

நயினார் நாகேந்திரன் – சாத்தூர்

கே.ஆர்.எம். ராதாகிருஷ்ணன் – திருச்செந்தூர்

பொன் ராதாகிருஷ்ணன் – நாகர்கோவில்

எட்வின் ஜோஸ் – பெத்மநாபபுரம்

சிவக்குமார் – குளச்சல்

விஜயதாரணி – விளவங்கோடு

அஸ்வத்தாமன் – திருவண்ணாமலை