2026 சட்டமன்றத் தேர்தல் முடிவுகளுக்குப் பிறகு, தமிழக அரசியல் களம் தினந்தோறும் கட்சித் தாவல்களாலும் கூட்டணி மாற்றங்களாலும் பரபரப்பாக இயங்கி வருகிறது. இந்தச் சூழலில், கன்னியாகுமரி மாவட்டத்தின் முக்கிய அரசியல் முகமும் முன்னாள் எம்.எல்.ஏ-வுமான விஜயதாரணி, பாஜகவிலிருந்து விலகி நடிகர் விஜய்யின் தமிழக வெற்றிக் கழகத்தில் இணைந்திருப்பது அரசியல் வட்டாரத்தில் புதிய விவாதத்தைக் கிளப்பியுள்ளது. விளவங்கோடு தொகுதியில் தொடர்ந்து மூன்று முறை காங்கிரஸ் சார்பில் வென்று, பின்னர் அதிருப்தி காரணமாக பாஜகவில் இணைந்தவர் விஜயதாரணி. ஆனால், அண்மையில் நடந்த தேர்தலில் பாஜக சார்பில் போட்டியிட்டு அவர் தோல்வியைத் தழுவிய நிலையில், அங்கு தவெக இரண்டாம் இடத்தைப் பிடித்து மாற்று சக்தியாக உருவெடுத்தது. இந்தத் தேர்தல் தோல்வியும், பாஜகவில் தனக்கு உரிய முக்கியத்துவம் வழங்கப்படவில்லை என்ற அதிருப்தியுமே அவரை தவெக-வை நோக்கி நகர்த்தியுள்ளதாகக் கூறப்படுகிறது.
விஜயதாரணியின் இந்த அதிரடி முடிவு, தமிழக பாஜகவிற்குள் புகைந்து கொண்டிருக்கும் அதிருப்தியை மீண்டும் வெளிச்சத்திற்கு கொண்டு வந்துள்ளது. 2026 தேர்தலில் போட்டியிட்டு தோல்வியடைந்த சில முக்கிய பாஜக பிரபலங்கள் மற்றும் தற்போதைய தலைமையின் செயல்பாடுகளில் உடன்பாடில்லாத நிர்வாகிகள் பலரும், தங்களின் புதிய அரசியல் புகலிடமாக தமிழக வெற்றிக் கழகத்தைத் தேர்ந்தெடுக்கத் துவங்கியுள்ளனர். குறிப்பாக, கட்சியின் மாநில கலை மற்றும் கலாச்சார பிரிவு மற்றும் அறிவுசார் பிரிவு ஆகிய முக்கிய பிரிவுகளைச் சேர்ந்த இரண்டு தலைவர்கள், தவெக-வின் முக்கிய நிர்வாகியான ஆதவ் அர்ஜுனாவிடம் தீவிர பேச்சுவார்த்தையில் ஈடுபட்டு வருவதாகத் தகவல்கள் கசிந்துள்ளன.
இது ஒருபுறமிருக்க, பாஜகவில் இருக்கும் அதிருப்தி நிர்வாகிகள் சிலர் அதிமுகவின் சீனியர் தலைவரான செங்கோட்டையன் மூலமாகவும் தவெக தரப்புடன் மறைமுகப் பேச்சுவார்த்தைகளைத் துவங்கியுள்ளதாக அரசியல் வட்டாரங்கள் முணுமுணுக்கின்றன. தவெக-வின் தற்போதைய அரசியல் நகர்வுகளும், தேர்தலில் அது காட்டிய பலமும் இரண்டாம் மற்றும் மூன்றாம் கட்டத் தலைவர்களை ஈர்க்கும் காந்தமாக மாறியுள்ளது. மேலும், சினிமாத்துறையைச் சேர்ந்த பிரபலங்களும் தவெக நோக்கி நகர்வது வேகமெடுத்துள்ளது. இதற்குச் சான்றாக, கடந்த காலங்களில் நடிகர் விஜய்யுடன் இணைந்து நடித்த முன்னணி ‘இரண்டு நடிகைகள்’ மிக விரைவில் தமிழக வெற்றிக் கழகத்தில் இணையத் தயாராக இருப்பதாக நம்பத்தகுந்த வட்டாரங்கள் தெரிவிக்கின்றன.
தமிழக வெற்றிக் கழகம் ஆட்சியைப் பிடிக்கும் நோக்கில் தீவிரமாகச் செயல்பட்டு வரும் நிலையில், பிற கட்சிகளில் இருந்து வரும் இந்தத் தொடர் நகர்வுகள் அக்கட்சிக்குக் கூடுதல் பலத்தைச் சேர்க்கும் என எதிர்பார்க்கப்படுகிறது. விஜயதாரணியின் வருகை கன்னியாகுமரி மாவட்ட அரசியலில் தவெக-வின் அடித்தளத்தை பலப்படுத்தும் அதே வேளையில், அடுத்தடுத்து பாஜகவிலிருந்து வெளியேறக் காத்திருக்கும் முக்கியப் புள்ளிகளின் பட்டியல் அக்கட்சித் தலைமைக்கு பெரும் தலைவலியை ஏற்படுத்தியுள்ளது. வரவிருக்கும் நாட்களில் அரங்கேறவிருக்கும் இந்த அடுத்தடுத்த விக்கெட் வீழ்ச்சிகள், 2026-க்குப் பிந்தைய தமிழக அரசியலில் ஒரு பெரிய மறுசீரமைப்பிற்கு வழிவகுக்கும் என்பதில் ஐயமில்லை.
உத்தரப் பிரதேச மாநிலம் பிரோசாபாத் மாவட்டத்தில், தலித் சிறுமி ஒருவர் கூட்டுப்பாலியல் வன்கொடுமைக்குள்ளாக்கப்பட்டு, அதன்பின் கொல்லும் நோக்கில் கழுத்து அறுக்கப்பட்ட…
அமெரிக்காவில் உயர்கல்வி பயின்று வந்த தெலுங்கானா மாநிலத்தைச் சேர்ந்த 23 வயது மாணவி திடீரென மாயமான சம்பவம் அவரது குடும்பத்தினரிடையே…
குழந்தைகளைக் கண்காணிக்கத் தவறிவிட்டு, அனைத்துத் தவறுக்கும் மற்றவர்கள் மீது பழிபோடும் தற்காலப் பெற்றோரின் பொறுப்பற்ற போக்கு குறித்து சமூக வலைதளங்களில்…
ஏர் இந்தியா விமானத்தில் 6 அடி 8 அங்குல உயரம் கொண்ட நபர் கழிவறையைப் பயன்படுத்தும் போது படும் சிரமங்களை…
வயது வெறும் எண் மட்டுமே என்பதை மீண்டும் ஒருமுறை நிரூபிக்கும் வகையில், 78 வயதான பிரபல மூத்த பாடகி உஷா…
மும்பை வீதிகளில் மோட்டார் பொருத்தப்பட்ட சக்கர நாற்காலியில் அமர்ந்துகொண்டு, எவ்விதச் சோர்வுமின்றி உற்சாகமாகச் சொமேட்டோ உணவு விநியோகம் செய்துவரும் மாற்றுத்திறனாளி…