“முகத்தில் மிதித்து, கொடூரமாக அடித்து…” 85 வயது முதியவரை அடித்து சித்திரவதை செய்த பெற்ற மகன்…. சொத்துக்காக அரங்கேறிய பயங்கரம்…. நெஞ்சை உலுக்கும் வீடியோ வைரல்…!!

உத்தரப் பிரதேச மாநிலம் பாண்டா மாவட்டம் காமாசின் காவல் எல்லைக்குட்பட்ட ஓஜானகர் பகுதியில் 85 வயதான சங்கர் குப்தா என்ற முதியவர் வசித்து வருகிறார். வயது முதிர்வால் உடலளவில் மிகவும் பலவீனமடைந்து எலும்பும் தோலுமாய் இருக்கும் அவரை, அவரது இளைய மகன் குஷேல் குப்தா சொத்துக்காகக் கொடூரமாகத் தாக்கியுள்ளார்.

தந்தை மீது நடத்தப்பட்ட இந்த மிருகத்தனமான தாக்குதலைக் கண்டு அதிர்ச்சியடைந்த மூத்த மகன் கைலாஷ், இது தொடர்பான வீடியோ ஆதாரத்துடன் போலிஸில் புகார் அளித்துள்ளார். சொத்து ஆசைக்காகப் பெற்ற தந்தையைக் கொடூரமாக அடித்துத் துன்புறுத்தும் இந்த வீடியோ எக்ஸ் (X) தளத்தில் வெளியாகி 60 ஆயிரத்துக்கும் அதிகமான பார்வையாளர்களைப் பெற்றுள்ளது.

இந்த வீடீயோவைப் பார்த்த பொதுமக்கள் மற்றும் நெட்டிசன்கள், பெற்ற தந்தையை மனிதத்தன்மையின்றித் தாக்கிய அந்த மகனை உடனடியாகக் கைது செய்து கடுமையான தண்டனை வழங்க வேண்டும் எனக் காவல் துறைக்குக் கோரிக்கை விடுத்துக் கொந்தளித்து வருகின்றனர்.