சாலை விபத்துகள் பற்றிய செய்திகளை நாம் அடிக்கடி பார்க்கிறோம், ஆனால் சில சம்பவங்கள் மிகவும் கொடூரமானவையாக இருக்கும். அந்தவகையில் சமீபத்தில், சமூக ஊடகங்களில் ஒரு வீடியோ வைரலாகி, மக்களை அதிர்ச்சிக்குள்ளாக்கியது. இந்த வீடியோ, ஒரு பேருந்துக்கு அடியில் ஒரு பைக் ஓட்டுநர் சிக்கிக்கொண்டதை காட்டுகிறது. இதில் சில வினாடிகள் கவனக்குறைவு உயிருக்கு ஆபத்தானதாக இருந்திருக்கலாம். இருப்பினும், ஓட்டுநரின் மன உறுதியும் தலைக்கவசமும் அவரது உயிரைக் காப்பாற்றின.
— Censored Tube (@CensoredTube) November 10, 2025
இந்த வீடியோவில் ஒரு பேருந்து மெதுவாக ஒரு வளைவை நெருங்குகிறது. அதே நேரத்தில், ஒரு பைக் ஓட்டுநர் அதே திசையில் தனது பைக்கை ஓட்டிச் செல்கிறார். பேருந்து ஒரு வளைவில் திரும்பும்போது, பைக் ஓட்டுநர் திடீரென்று கட்டுப்பாட்டை இழந்து வழுக்கி பேருந்தின் பின்புறத்திற்கு மிக அருகில் விழுந்து சில நிமிடங்களில், அவர் பேருந்தின் பின் சக்கரத்தின் கீழ் சிக்கிக் கொள்கிறார். அதிர்ஷ்டவசமாக, அந்த நபர் ஹெல்மெட் அணிந்திருந்தார். கனமான பேருந்து சக்கரம் மோதிய போதிலும், அது அவரது தலையைப் பாதுகாத்தது.