பிக் பாஸ் 7-வது சீசனில் பங்கேற்ற பிரதீப் ஆண்டனி வின்னராக மாறுவார் என ரசிகர்கள் எதிர்பார்த்து இருந்தனர். அப்படி இருந்த சூழலில் சகப் போட்டியாளர்கள் பிரதீப்பால் தங்களுக்கு பாதுகாப்பு இல்லை எனக் கூறியதால் ரெட் கார்டு கொடுத்து பிரதீப் வெளியேற்றப்பட்டார். இதற்கு பலரும் கண்டனம் தெரிவித்தனர். சமீபத்தில் அளித்த பேட்டியில் பிரதீப் ஆண்டனி கூறியதாவது, பிக்பாஸில் எனக்கு ரெட் கார்டு கொடுக்கப்பட்ட போது எனக்கு அது மோசமான நிலைமையாக தான் இருந்தது.
நல்ல வேலையாக நான் வெளியே வந்த பிறகு அதனை நினைத்து வருத்தப்படக்கூடிய நிலைமை வரவில்லை. ஏனென்றால் எனக்காக நிறைய பேர் வருத்தப்பட்டார்கள். அழுகவும் செய்தார்கள். என்ன நடந்தது என்று விளக்கம் கொடுக்க வேண்டிய தேவை இல்லை. நான் நல்லவன் என்று எல்லோருக்கும் தெரிந்துள்ளது. அதை பார்க்கும்போது சந்தோஷமாகத்தான் இருந்தது. அதே சமயம் எனக்கு கமல் சாரை ரொம்ப பிடிக்கும். ஆனால் அவருக்கு என்னை பிடிக்காமல் போய்விட்டது என்பதுதான் வருத்தம் என கூறியுள்ளார்.