விஜய் டிவியின் மிகவும் பிரபலமான நிகழ்ச்சிகளில் ஒன்றான பிக் பாஸ் நிகழ்ச்சி 7 சீசர்களை கடந்துள்ள நிலையில் தற்போது எட்டாவது சீசன் ஒளிபரப்பாகிக் கொண்டிருக்கிறது. இந்த சீசனை மக்கள் செல்வம் விஜய் சேதுபதி தொகுத்து வழங்கி வருகிறார். கடந்த அக்டோபர் மாதம் ஆறாம் தேதி தொடங்கப்பட்ட இந்த நிகழ்ச்சியை தற்போது இரண்டு வாரங்களை நிறைவு செய்துள்ளது. இதில் மக்களுக்கு பரிச்சயமான போட்டியாளர்கள் பலரும் கலந்து கொண்டுள்ளனர். போட்டியாளர்கள் உள்ளே வந்த சில மணி நேரத்திலேயே ஆட்டமும் தொடங்கிவிட்டது. இந்த முறை ஒரே வீட்டில் ஆண் போட்டியாளர்கள் மற்றும் பெண் போட்டியாளர்கள் என தனித்தனியாக பிரிந்து விளையாடுகின்றன.
பிக் பாஸ் நிகழ்ச்சி தொடங்கிய 24 மணி நேரத்தில் மகாராஜா பட நடிகை சாச்சனா எலிமினேட் செய்யப்பட்ட நிலையில் மீண்டும் வைல்ட் கார்டு என்ட்ரி மூலம் அவர் உள்ளே வந்தார். இதனைத் தொடர்ந்து கடந்த வாரம் மக்களின் குறைவான வாக்குகளை பெற்று தயாரிப்பாளர் ரவீந்தர் சந்திரசேகர் வீட்டிலிருந்து வெளியேற்றப்பட்டார். இதனைத் தொடர்ந்து இந்த வாரம் பிக் பாஸ் நிகழ்ச்சி சூடு பிடிக்க தொடங்கிய நிலையில் இந்த வாரம் போட்டியாளர் அர்ணவ் வெளியேறியுள்ளதாக தகவல் வெளியாகி உள்ளது.
இந்நிலையில் இன்றைய ப்ரோமோவில் தர்ஷாவை விஜய் சேதுபதி வெளுத்து வாங்கியுள்ளார். அதில், அர்ணவ் எங்க டீம்ல இருக்கவங்களே மெண்டலி டார்ச்சல் பண்ணி இருக்காங்க அப்படின்னு நான் தர்ஷா கிட்ட சொன்னதா அவங்க டீம்ல இருக்க மத்தவங்க கிட்ட சொல்லி இருக்காங்க. இத தெரிஞ்ச நான் இப்படி பண்றியே விஜய் சேதுபதி சார் உங்க கிட்ட கேட்டா அப்ப என்ன பதில் சொல்வாய் என்று அவங்க கிட்ட நான் சொன்னேன் என்று விஜய் சேதுபதியிடம் அருணவ் கூறுகிறார். உடனே தர்ஷாவிடம் விஜய் சேதுபதி இது குறித்து கேட்க அவர் மழுப்புகிறார். ஏதாவது அவர் பதில் சொல்லும் போது உங்க கிட்ட அவர் சொன்னாரா இல்லையா அப்படின்னு விஜய் சேதுபதி திரும்பத் திரும்ப கேட்கிறார். கடைசியாக தர்ஷா ஆமான்னு கூறுகிறார். இன்று பெரிய சம்பவம் காத்திருப்பது இந்த ப்ரோமோவில் தெரிகிறது.