வீட்டில் செம்பருத்தி செடி இருந்தால் இவ்வளவு நல்லதா…? விஷயம் என்னன்னு நீங்களே தெரிஞ்சிக்கோங்க..!

வாஸ்து என்பது நாம் காலம் காலமாக சொல்லும் ஒரு முக்கியத்துவம் வாய்ந்த ஒன்று. இவ்வாறு வாஸ்து சாஸ்திரத்தின் படி செய்தால் ஒருவர் நிதி நெருக்கடி ஏற்படாமல் பார்த்துக் கொள்ளலாம் என்று நம்ம்பப்படுகிறது. இதில் முக்கியமாக செம்பருத்தி மலர் வாஸ்துவின் சிறப்பு பலன் தருவதாகவே கூறப்படுகிறது. இந்த செடியை வீட்டில் வைத்தால் அதிர்ஷ்டம் பெருகும் என்பது நம்பிக்கை.

செம்பருத்தி செடியை வீட்டில் நடுவதால் வீட்டில் நிதி நெருக்கடியால் சிரமப்பட்டு நிறைய முயற்சிகள் செய்தும் நிலை மேம்பட வில்லை என்றால் கண்டிப்பாக இதை வீட்டில் நட்டு வைக்கலாம். நிச்சயமாக மகாலட்சுமியின் அருள் கிடைக்குமாம். செம்பருத்தி பூவை வைத்து சூரியனை வழிபட்டால் சூரிய பகவானின் அருள் கிடைக்குமாம்.

செம்பருத்தி பூவை தண்ணீருடன் சூரியனுக்கு வைத்து பூஜை செய்வதன் மூலம் வாழ்வின் முன்னேற்றம் அடையலாம் என்றும் நம்பப்படுகிறது. செம்பருத்தி பூ செடி நடுவதன் மூலமாக வீட்டில் தந்தையுடன் உறவு எப்போதும் நன்றாக இருக்குமாம். ஜாதகத்தில் சூரிய தோஷம் இருந்தால் வீட்டின் கிழக்கு திசையில் செம்பருத்தி செடியை நடலாம். அப்படி செய்தால் கண்டிப்பாக தோஷம் நீங்கிவிடும் என்றும் கூறப்படுகிறது.

செம்பருத்தி பூ பல வண்ணங்களில் இருக்கிறது. ஆனால் சிவப்பு செம்பருத்தி பூ தான் நிதி பிரச்சனைகளை நீக்க மிகவும் பயனுள்ளதாக இருக்கும் என்று கருதப்படுகிறது. வெள்ளிக்கிழமை அன்று வீட்டிற்கு அருகில் உள்ள மகாலட்சுமி கோவிலுக்கு சென்று சிவப்பு செம்பருத்தி பூவை வைத்து அர்ச்சனை செய்தால் பணவரவு கிடைக்குமாம்.