“பாதர் எங்கள விட்ருங்க”… பள்ளியிலேயே கதறிய சிறுமிகள்… தேவாலய பாதிரியார் செய்த அசிங்கம்… தமிழகத்தை உலுக்கும் சம்பவம்…!

திருப்பூர் மாவட்டம் அவிநாசி அருகே உள்ள குன்னத்தூர் பகுதியில், பள்ளி மாணவிகளுக்குப் பாலியல் தொல்லை அளித்த பள்ளித் தாளாளர் போக்சோ சட்டத்தின் கீழ் கைது செய்யப்பட்டுள்ள சம்பவம் பெரும் பரபரப்பை ஏற்படுத்தியுள்ளது. குன்னத்தூர் அருகே தேவாலய வளாகத்தில் செயல்பட்டு வரும் அரசு உதவிபெறும் தொடக்கப் பள்ளியில், அவிநாசி மற்றும் அதன் சுற்றுவட்டாரப் பகுதிகளைச் சேர்ந்த சுமார் 300-க்கும் மேற்பட்ட மாணவ, மாணவிகள் பயின்று வருகின்றனர்.

இந்தத் தேவாலயத்தின் பாதிரியாராகவும், பள்ளியின் தாளாளராகவும் கடலூர் மாவட்டத்தைச் சேர்ந்த 57 வயதுடைய ராபர்ட் என்பவர் பணியாற்றி வந்தார். இவர் அவ்வப்போது பள்ளி வகுப்பறைகளைக் கண்காணிப்பதாகக் கூறி, அங்கு பயிலும் சிறுமிகளிடம் அநாகரீகமாகப் பேசுவதும், பாலியல் ரீதியான சீண்டல்களில் ஈடுபடுவதையும் வழக்கமாகக் கொண்டிருந்ததாகக் கூறப்படுகிறது. தொடக்கத்தில் பயத்தின் காரணமாக யாரிடமும் சொல்லாத சிறுமிகள், ஒருகட்டத்தில் தங்களுக்கு நேர்ந்த கொடுமைகளைப் பெற்றோரிடம் கண்ணீருடன் தெரிவித்துள்ளனர்.

இதனால் ஆத்திரமடைந்த பெற்றோர்கள், அவசர போலீஸ் எண் 100-க்கு அழைத்துத் புகார் அளித்தனர். இந்த புகாரின் அடிப்படையில், குன்னத்தூர் காவல் ஆய்வாளர் சுசீலா மற்றும் குழந்தைகள் நல அலுவலர்கள் பள்ளிக்கு நேரில் சென்று தீவிர விசாரணை நடத்தினர். முதற்கட்ட விசாரணையில், பாதிரியார் ராபர்ட் பள்ளி மாணவிகளுக்குப் பாலியல் தொல்லை அளித்தது உறுதி செய்யப்பட்டது.

இதனைத் தொடர்ந்து, அவிநாசி அனைத்து மகளிர் காவல் நிலைய ஆய்வாளர் சாந்தி, குற்றம் சாட்டப்பட்ட ராபர்ட் மீது போக்சோ சட்டத்தின் கீழ் வழக்குப் பதிவு செய்து அவரைச் சிறையில் அடைத்தார். புனிதமான தேவாலயம் மற்றும் கல்வி கற்கும் பள்ளியின் தாளாளராக இருந்தவரே பிஞ்சுச் சிறுமிகளிடம் அத்துமீறிய சம்பவம் அப்பகுதி மக்களிடையே பெரும் அதிர்ச்சியையும், சோகத்தையும் ஏற்படுத்தியுள்ளது.