டாஸ்மாக் கடைகளில் காலி மதுபாட்டில்களைத் திரும்பப் பெற்றுக்கொண்டு ரூ.10 வழங்கும் திட்டம் தற்போது நடைமுறையில் உள்ளது. இத்திட்டத்தினால் பாட்டில்களைச் சேகரித்து, கணக்கு வழக்குகளைப் பராமரிப்பதில் டாஸ்மாக் ஊழியர்களுக்குக் கூடுதல் பணிச்சுமை ஏற்பட்டு வந்தது. இதனைத் தவிர்க்கும் வகையிலும், திட்டத்தை மேலும் முறைப்படுத்தும் வகையிலும் ஒரு புதிய மாற்றத்தைக் கொண்டு வர தமிழக அரசு தற்போது திட்டமிட்டு வருகிறது.
இதன்படி, ஊழியர்களின் பணிச்சுமையைக் குறைப்பதற்காக டாஸ்மாக் கடைகளில் தானியங்கி இயந்திரங்கள் அறிமுகப்படுத்தப்பட உள்ளன. இந்த இயந்திரங்கள் மூலம் வாடிக்கையாளர்கள் தங்களின் காலி பாட்டில்களைச் செலுத்தி, அதற்கான பணத்தைத் திரும்பப் பெற்றுக்கொள்ளும் வசதி உருவாக்கப்பட உள்ளது. இந்தத் தானியங்கி முறை ஊழியர்களின் வேலையைக் குறைப்பதுடன், பாட்டில் சேகரிப்புச் செயல்முறையை அதிகளவில் எளிமைப்படுத்தும் என்று எதிர்பார்க்கப்படுகிறது.